Myndir mánaðarins MM Desember 2018 Bíóhluti | Page 20

Mortal Engines
Sum sár gróa aldrei
Eftir að hafa mistekist að taka Thaddeus Valentine af lífi nær
Hester Shaw naumlega að sleppa frá risaborginni London út í
eyðimörkina þar sem þrautaganga hennar hefst fyrir alvöru.
Mortal Engines er byggð á samnefndri og
margverðlaunaðri bók breska rithöfundarins
Philips Reeve, en hún kom út í íslenskri þýð-
ingu í sumar undir heitinu Vítisvélar. Þetta er
mögnuð vísindaskáldsaga og framtíðarævin-
týri sem gerist eftir um þrjú þúsund ár þegar
heilu borgirnar eru komnar á færanlegan
grunn og ferðast um Jörðina í leit að orku til
að knýja þær. Til að fá þessa orku gleypa borg-
irnar m.a. í sig aðrar minni borgir og bæi og
verða um leið íbúum þeirra að fjörtjóni.
Hera Hilmarsdóttir, eða Hera Hilmar eins og hún kýs að kalla sig, fer
með hlutverk Hester Shaw sem á harma að hefna gegn einum aðal-
manninum í stærstu borginni London, Thaddeusi Valentine, eftir að
hann hafði ráðist á heimabæ hennar, Salthook. Eftir misheppnaða
tilraun til að ráða Thaddeus af dögum þarf Hester til að flýja borgina
og út í eyðimörkina þar sem hún gengur í lið með fólki sem er stað-
ráðið í að komast inn í London á ný. En það er hægara sagt en gert ...
Mortal Engines
Vísindaskáldsaga
128
mín
Aðalhlutverk: Hera Hilmar, Hugo Weaving, Stephen Lang, Robert
Sheehan, Jihae, Frankie Adams, Colin Salmon, Leila George og Caren
Pistorius Leikstjórn: Christian Rivers Bíó: Laugarásbíó, Smárabíó,
Háskólabíó, Sambíóin Egilshöll, Álfabakka og Keflavík og Borgarbíó
Akureyri
Frumsýnd 14. desember
Hera Hilmar leikur aðalsöguhetjuna Hester Shaw, en hún á harma að
hefna gegn hinum valdamikla Thaddeus Valentine sem ber ábyrgð
á að heimabæ hennar, Salthook, var eytt og líf hennar lagt í rúst.
Punktar ....................................................
Aðalframleiðandi Mortal Engines er Peter Jackson sem gerði Lord
of the Rings- og Hobbit-þríleikina, en hann skrifar jafnframt hand-
ritið ásamt Philippu Boyens og eiginkonu sinni Fran Walsh. Leik-
stjórnin er hins vegar í höndum Christians Rivers sem hafði m.a.
yfirumsjón með tæknibrellunum í fyrrnefndum þríleikjum og hlaut
Óskarsverðlaunin fyrir tæknibrellurnar í mynd Peters, King Kong.
l
Veistu svarið?
Hera Hilmarsdóttir er dóttir Hilmars Oddssonar
og Þóreyjar Sigþórsdóttur og átti því ekki langt að
sækja leiklistaráhugann í æsku enda lék hún í sinni
fyrstu bíómynd aðeins sjö ára að aldri. En fyrir leik í
hvaða tveimur myndum hlaut hún Edduverðlaunin?
Hugo Weaving leikur hinn óforskammaða Thaddeus Valentine
sem er einn af valdamestu mönnunum í risaborginni London.
Vonarstræti og Eiðurinn.
20
Myndir mánaðarins