Myndir mánaðarins MM Desember 2018 Bíóhluti | Page 18
The Sisters Brothers
Morð er bara vinna
The Sisters Brothers hlaut Silfurljónið á kvikmyndahátíðinni í
Feneyjum og var tilnefnd til Gullna ljónsins sem besta mynd-
in. Hún hefur enn fremur hlotið afar góða dóma gagnrýnenda
og þeir eru margir sem telja hana í flokki bestu mynda ársins.
The Sisters Brothers er kostuleg blanda af vestra og svartri kómedíu
en hún gerist á tímum gullæðisins í Kaliforníu um miðja nítjándu
öld. Þeir Joaquin Phoenix og John C. Reilly leika bræðurna Charlie
og Eli Sisters sem hafa tekið að sér að elta uppi gullleitarmann og
efnafræðing (að eigin sögn) að nafni Hermann Warm fyrir mann
sem er alltaf kallaður „Commodore“ (Rutger Hauer) og fullyrðir
að Hermann þessi hafi stolið af sér fé. Óhætt er að segja að ferð
bræðranna og leit þeirra að Hermanni verði þyrnum stráð enda
kemur í ljós að það eru fleiri en þeir sem vilja hafa hendur í hári hans.
Ekki bætir úr skák að Eli, sem langar helst að hætta í þessum bransa
og opna verslun, hefur miklar efasemdir um að þessi Commodore
hafi verið að segja þeim sannleikann og Charlie er sífellt að detta
í það með tilheyrandi hliðarsporum, töfum og alls konar veseni ...
The Sisters Brothers
Vestri / Svartur húmor
Joaquin Phoenix og John C. Reilly leika Sisters-bræðurna Charlie
og Eli sem taka að sér að finna og handsama efnafræðinginn og
gullleitarmanninn eftirlýsta, Hermann Kermit Warm.
121
mín
Aðalhlutverk: John C. Reilly, Joaquin Phoenix, Jake Gyllenhaal,
Riz Ahmed, Rebecca Root, Allison Tolman, Rutger Hauer og Carol
Kane Leikstjórn: Jacques Audiard Bíó: Laugarásbíó, Smárabíó og
Borgarbíó Akureyri
Frumsýnd 7. desember
Punktar ....................................................
HHHH 1/2 - Wrap HHHH 1/2 - L.A. Times HHHH 1/2 - N.Y. Times
HHHH 1/2 - H. Reporter HHHH 1/2 - Boston Globe HHHH - Slate
HHHH - IndieWire HHHH - Time Out HHHH - Rolling Stone
HHHH - The Guardian HHHH - CineVue HHHH - Screen Intl.
Leikstjóri The Sisters Brothers er hinn margverðlaunaði Frakki
Jacques Audiard sem gerði m.a. myndirnar Un prophète, Dheepan
og De rouille et d’os (Ryð og bein) en hann skrifaði einnig handritið
ásamt samstarfsmanni sínum til margra ára, Thomasi Bidegain.
l
Veistu svarið?
Þetta er í annað sinn sem þeir Jake Gyllenhaal og
Riz Ahmed leika saman í mynd en það gerðu þeir
einnig í hinni frábæru mynd Nightcrawler eftir Dan
Gilroy sem var frumsýnd 2014. En hvaða leikkona fór
með aðalkvenhlutverkið í þeirri mynd?
Riz Ahmed og Jake Gyllenhaal í hlutverkum sínum í The Sisters
Brothers, en þeir leika þá Hermann Kermit Warm og John Morris.
Rene Russo.
18
Myndir mánaðarins