Myndir mánaðarins MM Desember 2018 Bíóhluti | Page 14
Væntanlegt í janúar
Í janúar er von á sannkallaðri kvikmynda-
veislu í kvikmyndahúsum landsins og hér
rennum við í stuttu máli yfir nokkrar af þeim
myndum sem hana prýða, en þær verða
svo auðvitað allar kynntar nánar í næsta
blaði sem kemur út á milli jóla og nýárs.
Föstudaginn 4. janúar verða tvær myndir frumsýndar, annars vegar gaman-
myndin Holmes & Watsons og hins vegar ævintýramyndin Robin Hood.
Holmes & Watson er eftir leikstjórann og hand-
ritshöfundinn Etan Cohen sem leikstýrði síðast
Get Hard en á einnig að baki m.a. handrit mynd-
anna Tropic Thunder og Men in Black 3. Hér
leiða þeir enn saman broddgelti sína þeir Will
Ferrell og John C. Reilly í mynd sem eins og heiti
hennar gefur til kynna segir frá spæjaranum
mikla Sherlock Holmes og aðstoðarmanni hans,
lækninum Watson. Að sjálfsögðu er um grínútgáfu
sögunnar að ræða þar sem þeir Sherlock og
Watson taka upp á ýmsu einkennilegu en megin-
saga myndarinnar er dularfull ráðgáta sem erki-
óvinur Sherlocks, prófessorinn illræmdi Moriarty (Ralph Finnes), hefur
kokkað upp fyrir hann. Nái Sherlock ekki að ráða gátuna innan fjögurra
sólarhringa mun Viktoría drottning verða ráðin af dögum og verður dauði
hennar þá alfarið Sherlock að kenna. Með önnur stór hlutverk í myndinni
fara m.a. Rebecca Hall, Hugh Laurie, Noah Jupe, Steve Coogan og Pam
Ferris sem leikur Viktoríu drottningu.
Robin Hood er svo nýjasta myndin um hetjuna í
Skírisskógi sem setti sér og mönnum sínum það
markmið að ræna þá ríku og gefa þeim fátæku
um leið og hann reyndi hvað hann gat til að
koma Jóni fógeta frá völdum í Nottingham.
Leikstjóri þessarar hressilegu myndar þar sem
stórskemmtilegum bardaga- og hasaratriðum
er gert hátt undir höfði er Otto Bathurst og er
þetta fyrsta bíómynd hans þótt hann eigi að
baki margra ára reynslu í gerð sjónvarpsmynda
og sjónvarpsþátta. Með hlutverk Hróa fer hinn
skemmtilegi leikari Taron Egerton sem m.a. gerði
það gott í Kingsman-myndunum og þau Jamie Foxx, Ben Mendelsohn,
Eve Hewson, Jamie Dornan og F. Murray Abraham leika stór hlutverk.
Þann 11. janúar verða svo fjórar myndir frum-
sýndar og skal þar fyrsta nefna Escape Room
eftir Adam Robitel sem gerði m.a. hrollvekjuna
The Taking of Deborah Logan árið 2014. Hér er
um háspennutrylli að ræða sem verkar svona
fyrirfram eins og nokkurs konar blanda af mynd-
unum Saw og The Cube, en hún segir frá sex
ungmennum sem þekkjast ekkert innbyrðis í
upphafi en fá dag einn öll send sams konar skila-
boð um að mæta á ákveðinn stað þar sem þeirra
bíður einhvers konar gáta. Með fylgir loforð um að
takist þeim að ráða gátuna verði þau verðlaunuð
með milljón dollurum. Þetta hljómar auðvitað of vel til að vera satt, en er
samt þannig boð að ungmennin sex ákveða öll að mæta á staðinn. Þar
komast þau hins vegar fljótlega að því að þau hafa verið leidd í gildru
því það stóð ekki í boðinu að ef þeim tækist ekki að ráða gátuna innan
ákveðinna tímamarka myndu þau öll týna lífinu! Með aðalhlutverkin fer
hópur tiltölulega óþekktra leikara en stiklan úr myndinni gefur ótvírætt
til kynna að hér sé um hörkumynd að ræða.
14
Myndir mánaðarins
Önnur mynd sem frumsýnd verður 11. janúar
nefnist Instant Family og er eftir leikstjórann
Sean Anders (We’re the Millers, Daddy’s Home 1
og 2) sem einnig skrifar handritið ásamt John
Morris. Hér segir frá hjónunum Pete og Ellie, sem
þau Mark Wahlberg og Rose Byrne leika, sem
ákveða að ættleiða á einu bretti þrjú systkini,
táningsstúlku og yngri bróður hennar og systur.
Þau Pete og Ellie eru auðvitað engu vön í for-
eldrahlutverkinu og því gengur á ýmsu, bæði
upp og niður, í sambandi þeirra við krakkana
þrjá, a.m.k. til að byrja með þegar þau eru öll að
kynnast hvert öðru. Myndin var frumsýnd í Bandaríkjunum fyrir skömmu
og hefur fengið afar góðar viðtökur og dóma, en hún þykir í senn bæði
mjög fyndin og raunsönn enda er hún að hluta til byggð á raunverulegri
sögu leikstjórans sem ásamt eiginkonu sinni ættleiddi þrjú börn fyrir
nokkrum árum. Með stærstu hlutverkin fyrir utan þau Mark Wahlberg og
Rose Byrne fara Isabela Moner, Gustavo Quiroz, Julianna Gamiz, Octavia
Spencer, Margo Martindale, Julie Hagerty og Joan Cusack.
Þriðja myndin 11. janúar er Green Book sem margir
spá að verði ein af stóru verðlaunamyndum
ársins, bæði myndin sjálf, og fyrir leik þeirra
Viggos Mortensen og Mahershalas Ali í aðalhlut-
verkunum, leikstjórn Peters Farrelly og handritið
sem er skrifað af Peter í samvinnu við Brian
Hayes Currie og Nick Vallelonga. Green Book
gerist á sjötta áratug síðustu aldar og segir frá
píanóleikaranum Don Shirley sem ákveður að
fara í tónleikaferð um Suðurríki Bandaríkjanna
þrátt fyrir að hann viti fyrir víst að þar muni hann
mæta rasískum viðhorfum enda svartur á hörund.
Þau viðhorf eru reyndar ein af ástæðum þess að hann vill fara, en sér til
verndar ef á hann yrði ráðist fær hann útkastarann og smáglæpamanninn
Tony Lip sem lætur engan eiga neitt inni hjá sér. Þetta eru gjörólíkir
menn að öllu leyti og á ferðalag þeirra eftir að kenna þeim báðum
sitthvað nýtt um lífið og tilveruna. Myndin hefur þegar þetta er skrifað
verið sýnd á nokkrum kvikmyndahátíðum beggja vegna Atlantshafsins,
hlotið afburðadóma bæði gagnrýnenda og almennra áhorfenda og þykir
eins og fyrr segir mjög líkleg til að verða tilnefnd til Golden Globe- og
Óskarsverðlauna í fyrrnefnum flokkum, ekki síst Viggo sem hefur tvisvar
verið tilnefndur til Óskars en ekki hlotið hann. Þykir mörgum aðdáendum
hans tími til kominn að þessi frábæri leikari eignist sína eigin styttu.
Fjórða myndin á dagskránni 11. janúar er svo A
Private War eftir leikstjórann Matthew Heine-
man en sú mynd þykir eins og Green Book einnig
líkleg til að skora hátt á væntanlegum verðlauna-
hátíðum og þá alveg sérstaklega Rosamund Pike
fyrir leik sinn í aðalhlutverkinu. Hún leikur þar
blaðakonuna Marie Catherine Colvin sem árið
1985 hóf störf hjá breska blaðinu The Sunday
Times og fór fljótlega að sækjast eftir erfiðustu
verkefnunum sem í boði voru, þ.e. að fara til
stríðshrjáðra svæða og landa. Hennar eigin orð
fyrir því hvers vegna hún var tilbúin til að leggja
líf sitt í hættu voru að með því gæti hún gefið þeim raddlausu rödd og
þeim ósýnilegu tilvist frammi fyrir alþjóðasamfélaginu. Frá árinu 1986 var
hún sérfræðingur blaðsins í málefnum Miðausturlanda en tók einnig að
sér að fara til landa Norður-Afríku þegar byltingarnar þar, sem kallaðar
voru Arabíska vorið, áttu sér stað, m.a. í Líbýu þegar Moammar Gadhafi
var steypt af stóli. Varð hún t.d. síðasti vestræni blaðamaðurinn til að taka
við hann viðtal. Marie fór einnig til landa fyrrum Júgóslavíu til að skrifa um
fólkið sem varð á milli í átökunum þar sem kostuðu tugþúsundir saklausra
borgara lífið og til Sierra Leone, Simbabve, Sri Lanka og Austur-Tímor. Á
síðastnefnda staðnum er hún talin hafa bjargað a.m.k. 1.500 mannslífum
með fréttaflutningi sínum af innikróuðum konum og börnum sem aftraði
indónesíska hernum að gera árás. Framangreint er bara brot af afrekum
þessarar einstöku konu sem hlaut fjölmörg blaðamannaverðlaun fyrir
starf sitt, en hún varð svo í apríl árið 2012 fórnarlamb stríðsins í Sýrlandi.