Bíófréttir – Væntanlegt
Sungið saman
Það bíða margir spenntir eftir
að sjá myndina Rocketman eftir
leikstjórann Dexter Fletcher sem
væntanleg er í kvikmyndahúsin í
lok maí, en hún fjallar eins og flestir
ættu að vera farnir að vita um ævi
tónlistarmannsins Eltons John. Það
er Taron Egerton sem leikur kappann
og leikur lítill vafi á því að hann sé
frábær í hlutverkinu. Það sem margir
hlakka líka til að upplifa er að Taron
syngur sjálfur öll lögin í myndinni,
þ. á m. mörg þekktustu lög Eltons
í gegnum árin, og segir sagan að af
öllum þeim fjölda listamanna sem sungið hafa þessi lög hafi enginn
gert það jafn vel og hann. Á þessu fengu margir staðfestingu í
árlegu fjáröflunarhófi Eltons John fyrir alnæmisrannsóknir sem
haldið var á eftir Óskarsverðlaunahátíðinni þar sem Taron kom
fram ásamt Elton og tók nokkur laga hans fyrir viðstadda. Voru
myndirnar sem hér fylgja teknar við það tilefni. Þess má geta fyrir
þá sem bíða spenntir eftir myndinni að á YouTube er að finna
nokkur myndbönd frá upptökum og fleiru tengdu henni þar sem
Taron tekur m.a. lagið í stúdíói og sýnir ljóslega hvað hann getur.
Leikur Oscar Snake?
Heiti myndarinnar Metal Gear Solid
hringir væntanlega ekki bjöllu hjá öllum
sem þetta lesa nema þeim sem spila
tölvuleiki enda er þetta heiti á einhverri
vinsælustu tölvuleikjaseríu allra tíma, en
hún hóf göngu sína árið 1998 og telur
nú tíu leiki. Ein aðalpersónan í þeim er
málaliðinn Snake (eða Solid Snake) sem
er meira en lítið harður nagli í höndum
þeirra sem kunna að stjórna honum og
bjargar málunum þegar vondir menn
hafa sig í frammi og hóta öllu illu einhvers
staðar í heiminum. Ekki er komið á hreint
hver það verður sem leika mun kappann en eins og staðan er eru
mestar líkur á að Golden Globe-verðlaunahafinn Oscar Isaac, sem
Star Wars-aðdáendur þekkja vel sem Poe Dameron, taki hlutverkið
að sér. Ekkert er á hreinu með frumsýningardag.
Godzilla snýr aftur!
Ný, frábær stikla úr Aladdin
Á dögunum var nýjasta stiklan úr Disney-myndinni Aladdin frum-
sýnd á netinu en hún er jafnframt tólfta myndin í svokallaðri „Live-
Action“-seríu sem sækir efnið í eldri teiknimyndir kvikmyndaris-
ans. Eins og búast mátti við inniheldur stiklan einstakt fjör og leikur
lítill vafi á að myndin eigi eftir að njóta mikilla vinsælda þegar hún
verður frumsýnd 24. maí. Eins og kunnugt er er það Guy Ritchie
sem leikstýrir og í hlutverki andans sem hjálpar Aladdin að vinna
ástir prinsessunnar Jasmine er Will Smith og verður gaman að sjá
hvernig hann tekur sig út í þessu mikla ævintýri þar sem gríni er
blandað við spennu og kryddað með tónlist og dansatriðum.
8
Myndir mánaðarins
Ef einhver hélt að japanska skrímslið Godzilla hefði sungið sitt síð-
asta þá er það tómur misskilningur því tvær nýjar myndir sem bera
nafn hennar eru væntanlegar og sú fyrri í lok maí næstkomandi.
Hún heitir hvorki meira né minna en Godzilla: King of the Monsters
og er í leikstjórn Michaels Dougherty sem síðast sendi frá sér hina
afar sérstöku „jólamynd“ Krampus. Michael skrifar einnig handritið
í samvinnu við þá sömu og skrifuðu með honum handritið að
Krampus, Todd Casey og Zach Shields, en sagan er óbeint framhald
myndarinnar Godzilla sem var frumsýnd 2014. Þetta er um leið
þriðja myndin í svokallaðri MonsterVerse-seríu þar sem áðurnefnd
Godzilla var fyrsta myndin og Kong: Skull Island mynd númer tvö.
í fjórðu myndinni, sem frumsýna á eftir ár, mætast síðan Godzilla
og King Kong, en hún nefnist einfaldlega Godzilla vs. Kong. Á
myndinn hér fyrir ofan má sjá þær Millie Bobby Brown og Veru
Farmiga í hlutverkum sínum í myndinni.