Myndir mánaðarins MM Apríl 2019 Bíóhluti | Page 18
Shazam!
Nýir kraftar – Nýtt hlutverk
Billy Batson er 14 ára munaðarlaus strákur sem í byrjun sög-
unnar er að flytja inn á sitt sjöunda fósturheimili eftir að hafa
verið úthýst af því sjötta vegna slæmrar hegðunar, rétt eins
og í hin fimm skiptin. Kvöld eitt þegar hann er á flótta undan
strákum sem ætla að berja hann lendir hann í nokkurs konar
hliðarveröld þar sem verulega dularfullur galdrakarl gefur
honum krafta til að breyta sér í fullorðnu ofurhetjuna Shazam!
Sagan um ofurhetjuna Billy Batson/Shazam! er ein elsta ofurhetju-
sagan en persónan kom fyrst fram á sjónarsviðið árið 1939 og var
með allra vinsælustu ofurhetjum á fimmta áratug síðustu aldar.
Þetta er samt í fyrsta sinn sem gerð er kvikmynd í fullri lengd um
þennan kostulega og gríðaröfluga karakter og um leið er Shazam!
sjöunda myndin í ofurhetjuheimi DC-Comics. Til að byrja með
hefur Billy/Shazam! ekki nokkra hugmynd um hvaða ofurkröftum
hann býr yfir og því síður hvernig hann á að stjórna þeim. Sú
þekking kemur auðvitað með reynslunni og ekki seinna vænna
því framundan er barátta við hinn hræðilega dr. Thaddeus Sivana ...
Shazam!
Ofurhetjur / Gamanmynd
132
mín
Aðalhlutverk: Zachary Levi, Jack Dylan Grazer, Asher Angel, Mark
Strong, Djimon Hounsou, Grace Fulton, Cooper Andrews og Rosa
Vasquez Leikstjórn: David F. Sandberg Bíó: Sambíóin Álfabakka,
Kringlunni, Egilshöll, Keflavík og Akureyri, Laugarásbíó, Bíóhúsið
Selfossi, Ísafjarðarbíó, Eyjabíó, Bíóhöllin Akranesi, Skjaldborgarbíó
og Króksbíó
Frumsýnd 5. apríl
Jack Dylan Grazer leikur Freddy Freeman, fóstbróður Billys Batsons og
þann eina sem þekkir leyndarmál hans. Billy er leikinn af Asher Angel
þegar hann er fjórtán ára en svo tekur Zachary Levi við þegar hann
breytir sér í Shazam! sem hefur úr mörgum ofurkröftum að velja.
Punktar ....................................................
Fyrir utan margar stuttmyndir á leikstjóri Shazam!, David F. Sand-
berg, að baki bíómyndirnar Lights Out og Annabelle: Creation.
l
Nafnið Shazam! er myndað úr upphafsstöfum þeirra sem Billy Bat-
son fær ofurkrafta sína frá, þ.e. Sólómons, Herkúlesar, Atlas, Seifs
(Zeus), Akkilesar og Merkúrs, sem flestir tilheyra grískri goðafræði.
l
Mark Strong leikur vonda kallinn Thaddeus Sivana, en hann nýtur
m.a. aðstoðar sjö púka sem heita í höfuðið á dauðasyndunum sjö.
Veistu svarið?
Þegar Shazam! kom fram á sjónarsviðið árið
1939 hét hann reyndar allt öðru nafni og fékk
ekki Shazam!-heitið fyrr en árið 1972 þegar því
var breytt vegna flókinna höfundarréttarmála.
Hvað hét þessi ofurhetja upphaflega?
Á meðal margra mismunandi ofurkrafta sem Shazam! býr yfir er máttur
eldingarinnar en sá kraftur kemur beint frá Seifi sem var líka þrumuguð.
Captain Marvel.
18
Myndir mánaðarins