Myndir mánaðarins Maí 2018 tbl. 292 Bíóhluti | Page 10
Væntanleg í júní – Incredibles 2
Aðdáendur teiknimynda, og þá ekki síst hinna frábæru teiknimynda sem
Pixar hefur sent frá sér með reglulegu millibili allar götur síðan sú fyrsta,
Toy Story, var frumsýnd árið 1995, geta farið að láta sig hlakka til að
endurnýja kynnin af hinni ótrúlegu Parr-fjölskyldu því mynd númer tvö
um hana er væntanleg í bíó í júní, heilum þrettán árum eftir að fyrri
myndin var frumsýnd. Sú mynd er af mörgum talin besta og fyndnasta
Pixar-myndin til þessa og það ætti ekki að skemma fyrir eftirvæntingunni
að leikstjóri og handritshöfundur nýju myndarinnar er sá sami og þá,
húmoristinn Brad Bird, sem gerði m.a. einnig myndirnar The Iron Giant,
Ratatouille, Mission: Impossible - Ghost Protocol og Tomorrowland.
Við látum hér nokkrar myndir tala sínu máli en hvetjum alla áhugasama til
að skoða skemmtilegar stiklurnar úr Incredibles 2 sem komnar eru á netið.
10
Myndir mánaðarins