Myndir mánaðarins Mars 2018 tbl. 290 Bíóhluti | Page 14
Red Sparrow
Hverjum getur þú treyst?
Dominika Egorova er ung kona sem er þröngvað til að ganga
í gegnum þjálfun þar sem henni og öðrum ungum Rússum er
hreinlega breytt í stórhættulega útsendara rússnesku leyni-
þjónustunnar. Í því starfi kemur það sér vel fyrir Dominku að
hún hefur einstaka hæfileika til að „sjá“ tilfinningar manna.
Red Sparrow er byggð á frábærri verðlauna- og
metsölunjósnasögu fyrrverandi CIA-mannsins
Jasons Matthews sem var öllum hnútum kunn-
ugur varðandi njósna- og gagnnjósnamál þegar
hann ákvað að söðla um og gerast rithöfundur.
Red Sparrow varð hans fyrsta bók og er hún í dag
af mörgum talin ein besta njósnasaga allra tíma
enda listilega skrifuð og af innsæi og reynslu
manns sem gjörþekkir hinn flókna heim njósna.
Þeim sem ekki hafa lesið bókina er enginn greiði
gerður með því að útlista söguþráðinn enda langskemmtilegast að
láta hann koma sér á óvart ... sem hann mun pottþétt gera!
Red Sparrow
Njósnatryllir
139
Jennifer Lawrence leikur hina seiðandi Dominiku Egorova sem
er í raun stórhættulegur og þrautþjálfaður gagnnjósnari.
mín
Aðalhlutverk: Jennifer Lawrence, Joel Edgerton, Charlotte Rampling,
Mary-Louise Parker, Ciarán Hinds, Matthias Schoenaerts, Jeremy Irons,
Joely Richardson og Douglas Hodge Leikstjórn: Francis Lawrence
Bíó: Smárabíó, Laugarásbíó, Sambíóin Egilshöll og Keflavík, Bíóhöllin
Akranesi, Skjaldborgarbíó, Ísafjarðarbíó, Króksbíó, Borgarbíó Akureyri,
Eyjabíó og Selfossbíó
Frumsýnd 2. mars
Punktar ....................................................
Red Sparrow er í raun fyrsti hlutinn af þríleik og heita hinar tvær
bækurnar Palace of Treason og The Kremlin’s Candidate. Það stendur
auðvitað til að kvikmynda þær líka en sjálfsagt veltur það að stóru
leyti á viðtökunum sem Red Sparrow á eftir að fá hjá kvikmynda-
áhugafólki hvenær af því verður.
l
l Leikstjóri myndarinnar er Francis Lawrence en hann og Jennifer Law-
rence ættu að vera orðin vel kunnug því þau unnu einnig saman við
gerð Hunger Games-myndanna Catching Fire og Mockingjay 1 og 2.
Veistu svarið?
Leikkonan Charlotte Rampling, sem er orðin 72 ára
og leikur stórt hlutverk í Red Sparrow, á að baki leik
í mörgum þekktum myndum, þ. á m. afar sérstæðri
vísindafantasíu Johns Boorman árið 1974 þar sem
hún lék á móti Sean Connery. Hvað heitir sú mynd?
Joel Edgerton leikur bandaríska leyniþjónustumanninn Nathaniel
Nash sem flækist í vef Dominiku ... eða er það kannski öfugt?
Zardoz.
14
Myndir mánaðarins