Myndir mánaðarins Júní 2017 tbl. 281 bíóhluti | Page 26
How to Be a Latin Lover
Hvað gera menn ekki í neyð?
Eftir að hafa lifað í sannkölluðum lúxus í 25 ár er Maximo
sparkað af auðugri eiginkonu sinni sem ákveður að taka sam-
an við yngri mann. Slyppur og snauður er Maximo því allt í
einu á götunni og neyðist til að leita ásjár systur sinnar sem
verður þvert á vilja sinn að skjóta yfir hann skjólshúsi þar til
hann getur staðið á eigin fótum á ný. En hvenær gerist það?
How to Be a Latin Lover er eftir stiklunni úr henni að dæma eldhress
mynd og mjög fyndin og það má alveg reikna með að hún verði
vinsæl í íslenskum kvikmyndahúsum þótt Íslendingar hafi sjálfsagt
fæstir heyrt talað um aðalleikarann Eugenio Derbez áður. Hann er
mikill grínisti og nýtur gríðarlegra vinsælda í Mexíkó og í Banda-
ríkjunum þar sem hann hefur t.d. þegar fengið sína eigin stjörnu í
Walk of Fame-gangstéttina á Hollywood Boulevard-breiðstrætinu,
en slíka stjörnu fá menn ekki án afreka. Þeim sem vilja kynna sér
myndina nánar er bent á að skoða sprenghlægilega stikluna.
How to Be a Latin Lover
Kallgreyið hann Maximo veit ekki hvað hann á að gera þegar hann
kemst að því að eiginkona hans hefur haldið fram hjá honum með
yngri manni og sparkar honum í kjölfarið eftir 25 ára hjónaband.
Gamanmynd
115
mín
Aðalhlutverk: Eugenio Derbez, Salma Hayek, Rob Lowe, Kristen Bell,
Michael Cera, Rob Corddry, Rob Riggle og Raquel Welch Leikstjórn:
Ken Marino Bíó: Háskólabíó og Borgarbíó Akureyri
Frumsýnd 21. júní
Punktar ....................................................
Eugenio Derbez hefur um árabil verið einn vinsælasti gamanleikari
Mexíkó og jafnframt einn sá áhrifamesti í mexíkóskum kvikmynda-
iðnaði, en hann hefur fyrir utan leikinn framleitt fjölda vinsælla
mynda, skrifað þær og leikstýrt. Síðasta mynd hans, No se aceptan
devoluciones, sló t.d. öll aðsóknarmet í Mexíkó og varð einnig
tekjuhæsta mexíkóska mynd allra tíma utan heimalandsins.
l
Sá sem leikur Maximo ungan (22 ára) er í raun sonur Eugenios Der-
bez, Vadhir Derbez, en hann þykir frábær leikari eins og faðirinn.
l
Leikstjóri How to Be a Latin Lover er Ken Marino sem er betur þekktur
sem leikari enda sest hann hér í leikstjórastólinn í fyrsta sinn.
Veistu svarið?
Salma Hayek leikur systur Maximos í How to Be
a Latin Lover en hún er einnig frá Mexíkó og sló
fyrst í gegn í Bandaríkjunum árið 1995 þegar
hún lék aðalhlutverkið á móti Antonio Banderas
í mynd eftir Robert Rodriguez. Hvaða mynd?
Eftir að hafa jafnað sig á skilnaðinum fær Maximo augastað
á hinni auðugu Celestu sem leikin er af Raquel Welsh.
Desperado.
26
Myndir mánaðarins