Myndir mánaðarins Júlí 2017 tbl. 282 DVD-VOD-hluti | Page 18

Get Out Ekki láta blekkjast Parið Chris og Allison eru ákaflega ástfangin hvort af öðru, en þau eru hvort af sínum kynþættinum, hann svartur en hún hvít. Að því kemur að Allison vill kynna Chris fyrir foreldrum sínum, en af því hefur Chris nokkrar áhyggjur því hann er hræddur um að foreldrar hennar taki sér ekki vel. Hann verður samt að láta á það reyna en á heldur betur eftir að sjá eftir því! Sagan í Get Out er af þeirri gerð sem ekki má segja of mikið frá til að skemma ekki óvænta atburðarásina fyrir áhorfendum. Þetta er fyrsta mynd grínistans Jordans Peele sem leikstjóra og það er ljóst að hann á framtíðina fyrir sér í því hlutverki. Myndin byrjar á léttum og fyndnum nótum en þróast síðan út í dularfulla og æsispennandi atburðarás sem kemur áhorfendum gersamlega í opna skjöldu ... Chris hefur áhyggjur af því að foreldrar Allison munu ekki taka því vel að hann sé svartur og reynist hafa rétt fyrir sér – og rúmlega það. Get Out Punktar .................................................... Tryllir / Ráðgáta DVD HHHHH - Guardian HHHHH - Time HHHH 1/2 - Slate HHHH 1/2 - Hollywood Reporter HHHH 1/2 - Variety HHHH 1/2 - R. Stone HHHH - Screen HHHH - Empire 103 mín Aðalhlutverk: Daniel Kaluuya, Allison Williams, Bradley Whitford, Catherine Keener, Marcus Henderson, Betty Gabriel og Caleb Landry Jones Leikstjórn: Jordan Peele Útgefandi: Myndform 20. júlí Get Out er að margra mati ein besta mynd ársins hingað til. Víst er að hún skartar einu besta handriti ársins, inniheldur bæði frum- legan og grípandi söguþráð og svo alveg magnaða fléttu. Þetta er mynd sem enginn einasti kvikmyndaunnandi má missa af. l Jordan Peele segist hafa fengið hugmyndina að sögunni þegar hann hlustaði á umræður fyrir forsetakosningarnar í Bandaríkjunum 2008 um hvort væri betra að fá konu sem forseta eða svartan karl. Þess má geta að móðir Jordans var svört en faðirinn hvítur og sjálfur er Jordan í sambúð með hvítri konu, grínleikkonunni Chelsea Peretti. l Foreldrar Allison eru leiknir af Bradley Whitford og Catherine Keener. Veistu svarið? Leikstjóri Get Out og handritshöfundur, Jordan Peele, hefur hingað til verið þekktastur sem gam- anleikari, fyrst í MADtv-þáttunum, síðan í grín- þáttunum Key and Peele og í bíómynd sem gerði það gott í bíó og á vod í fyrra. Hvað heitir hún? Til að byrja með virðist allt vera með felldu á heimili foreldra Allison en annað á eftir að koma á daginn. Keanu. 18 Myndir mánaðarins