Myndir mánaðarins Janúar 2018 tbl. 288 Bíó | Page 38
Den of Thieves
Snjallir á móti snjöllum
Eftir að hópur eitursnjallra og óttalausra bankaræningja
fremur nokkur djörf rán í Los Angeles er sérsveitarmaðurinn
Nick Flanagan kallaður til leiks ásamt mönnum sínum en Nick
hefur sérhæft sig í að uppræta slík glæpa- og ránsgengi. Í
þetta sinn gæti hann hins vegar verið að mæta ofjörlum sínum.
Kvikmyndin Den of Thieves er fyrsta mynd Christians Gudegast sem
leikstjóra en hann skrifaði m.a. handrit myndanna A Man Apart og
London Has Fallen og skrifar líka bæði söguna og handritið að Den
of Thieves. Myndin hefur hvergi verið sýnd þegar þetta er skrifað
en það er nokkuð ljóst að hér er um hörkuhasar að ræða sem gæti
komið aðdáendum slíkra mynda á óvart, en hún er einnig sögð
innihalda afar góðar og óvæntar fléttur í bland við hasarinn.
Eftir að Nick og hans menn blanda sér í málin skipuleggja ræningj-
arnir innbrot í alríkisbankann í Los Angeles þar sem milljarðar
dollara eru geymdir í beinhörðum peningum, en inn í hirslur hans
á ekki að vera nokkur leið að brjótast. En þetta eru engir venjulegir
bankaræningjar og spurningin er hvort Nick takist að sjá við þeim ...
Den of Thieves
Spenna / Hasar
Aðalhlutverk: Gerard Butler, Jordan Bridges, Pablo Schreiber, O’Shea
Jackson Jr., 50 Cent, Evan Jones, Eric Braeden, Brian Van Holt, Maurice
Compte og Cooper Andrews Leikstjórn: Christian Gudegast
Bíó: Laugarásbíó, Smárabíó, Borgarbíó Akureyri og Sambíóið Keflavík
Frumsýnd 26. janúar
Gerard Butler leikur glæpagengjasérfræðinginn Nick Flanagan sem
áttar sig fljótlega á því að hann á í þetta sinn í höggi við snjöllustu
bankaræningja landsins. En Nick er heldur enginn aukvisi sjálfur.
Punktar ....................................................
Þótt sögusvið myndarinnar sé Los Angeles var hún að öllu leyti
tekin upp í borginni Atlanta í Georgíuríki.
l
Sá sem leikur Ziggy Zerhusen í myndinni, Eric Braeden, er faðir
leikstjórans og handritshöfundarins Christians Gudegast.
l
Fjórir af bankaræningjunum eru leiknir af þeim Pablo
Schreiber, 50 Cent, Evan Jones og O’Shea Jackson Jr.
Veistu svarið?
O’Shea Jackson Jr. lék í sinni fyrstu mynd, Straight
Outta Compton, árið 2014 og þótti standa sig með
afbrigðum vel en í myndinni lék hann föður sinn
sem er frægur tónlistarmaður og rappari og allir
þekkja. Hvert er gælunafn hans, þ.e. föðurins?
Ice Cube.
38
Myndir mánaðarins