Myndir mánaðarins Janúar 2018 tbl. 288 Bíó | Page 32

The Post
Landráð eða almannahagsmunir?
The Post er nýjasta mynd Stevens Spielberg og um leið fyrsta
myndin sem stórleikararnir Tom Hanks og Meryl Streep leika
saman í en hún er nú tilnefnd til sex Golden Globe-verðlauna,
þ.e. fyrir leik þeirra beggja í aðalhlutverkum karla og kvenna,
fyrir leikstjórn, handrit og tónlist, og sem besta mynd ársins.
The Post gerist árið 1971 en á fyrri hluta þess árs komust blaðamenn
dagblaðsins The Washington Post yfir ríkistrúnaðarskjöl sem síðan
hafa verið kölluð „The Pentagon Papers“. Gögnin innihéldu m.a.
viðamiklar upplýsingar um afskipti Bandaríkjastjórnar af innan-
ríkismálum Víetnam allt frá árinu 1945 og átti þessi gagnaleki eftir
að valda gríðarlegum skjálfta í æðsta stjórnkerfi Bandaríkjanna.
Í gang fór mikil barátta, annars vegar ritstjórnar blaðsins sem
taldi sig hafa rétt á að birta þessar upplýsingar vegna hagsmuna
almennings og prentfrelsisákvæða og hins vegar ríkisstjórnar
Nixons og lögfræðingateymis hennar sem hótaði því fullum fetum
að ákæra þá fyrir landráð sem birtu upplýsingar úr skjölunum. Slík
ákæra, hefðu dómarar tekið undir réttmæti hennar, hefði ekki bara
gert út af við blaðið heldur komið bæði ritstjórum, blaðamönnum
og eigendum þess í margra ára fangelsi, jafnvel til áratuga. Hvaða
ákvörðun áttu eigendur blaðsins og ritstjórn að taka í málinu?
The Post
Sannsögulegt
116
mín
Aðalhlutverk: Meryl Streep, Tom Hanks, Sarah Paulson, Tracy Letts,
Bob Odenkirk, Bradley Whitford, Bruce Greenwood, Matthew Rhys
og Alison Brie Leikstjórn: Steven Spielberg Bíó: Sambíóin Álfabakka,
Kringlunni, Egilshöll, Akureyri og Keflavík, Ísafjarðarbíó, Selfossbíó,
Eyjabíó, Bíóhöllin Akranesi, Króksbíó og Skjaldborgarbíó
Frumsýnd 19. janúar
Það ríkti að vonum mikil spenna á meðal starfsfólks The Washington
Post á meðan á storminum stóð, en á meðal leikara sem þarna
sjást eru þau Tom Hanks, Meryl Streep, Philip Casnoff, David Cross,
Tracy Letts, Bradley Whitford, Jessie Mueller og Carrie Coon.
Punktar ....................................................
Kay Graham, sem Meryl Streep leikur í The Post, fór einnig fyrir
eigendahópi The Washington Post þremur árum eftir atburði
þessarar myndar þegar þeir Bob Woodward og Carl Bernstein
komust á snoðir um þau mál sem leiddu til Watergate-hneykslisins.
l
Meryl Streep leikur Kay Graham sem fór fyrir eigendahópi blaðsins.
Veistu svarið?
Þótt The Post sé fyrsta myndin eftir Steven Spielberg
sem Meryl Streep birtist í hafa þau unnið saman
áður því Meryl ljáði tölvunni „The Blue Fairy“ rödd
sína í frægri vísindaskáldsögu sem Steven sendi frá
sér árið 2001. Hvaða mynd er um að ræða?
Tom Hanks leikur ritstjórann Ben Bradlee sem fékk um nóg að hugsa
sumarið 1971, enda hótaði ríkisstjórn Bandaríkjanna að ákæra hann og
starfslið hans fyrir landráð ef blað þeirra birti trúnaðarupplýsingarnar.
A.I. Artificial Intelligence.
32
Myndir mánaðarins