Myndir mánaðarins Janúar 2018 tbl. 288 Bíó | Page 30
Three Billboards Outside Ebbing, Missouri
Sorg, morð og þrjú skilti
Sjö mánuðum eftir að dóttir hennar var myrt þrýtur Mildred
Hayes þolinmæðina og grípur til sinna ráða til að fá lögreglu-
stjórann Bill Willoughby og menn hans í smábænum Ebbing í
Missouri til að rannsaka málið og finna morðingjann. Tekst
það eða býr eitthvað meira að baki afskiptaleysi Willoughbys?
Three Billboards Outside Ebbing, Missouri er nú þegar umtöluð sem
ein af tíu bestu myndum ársins á enskri tungu en hún er eftir írska
leikstjórann Martin McDonagh sem á að baki tvær frábærar bíó-
myndir, In Bruges sem hann sendi frá sér árið 2008 og Seven Psycho-
paths sem var frumsýnd 2012. Three Billboards Outside Ebbing, Miss-
ouri er að grunni til morðgáta og glæpasaga en um leið kolsvört
kómedía rétt eins og fyrri myndir Martins, en hann skrifar einnig
handritið sem er mjög líklegt til að hljóta tilnefningu til Óskarsverð-
launa, svo og hann sjálfur fyrir leikstjórnina. Þess utan þykir myndin
stórkostlega vel leikin, ekki síst af Frances McDormand sem hér túlk-
ar af öryggi eina eftirminnilegustu bíómyndapersónu ársins 2017.
Three Billboards
Outside Ebbing, Missouri
Frances McDormand leikur aðalpersónuna Mildred sem grípur til
óvenjulegra ráða þegar sjö mánuðir eru liðnir frá því að dóttir hennar
var myrt og lögreglunni hefur lítið sem ekkert miðað í rannsókninni.
Svört kómedía / Glæpasaga
115
mín
Aðalhlutverk: Frances McDormand, Woody Harrelson, Sam Rockwell,
Abbie Cornish, John Hawkes, Peter Dinklage og Lucas Hedges
Leikstjórn: Martin McDonagh Bíó: Smárabíó, Háskólabíó, Borgarbíó
Akureyri, Selfossbíó, Skjaldborgarbíó, Ísafjarðarbíó, Króksbíó, Bíóhöllin
Akranesi og Eyjabíó
Frumsýnd 19. janúar
Punktar ....................................................
Þótt Three Billboards Outside Ebbing, Missouri fari ekki í almenna
dreifingu fyrr en í janúar hefur hún víða verið sýnd á kvikmynda-
hátíðum og hlotið frábæra dóma og fjölda verðlauna. Hún er núna
tilnefnd til sex Golden Globe-verðlauna (sem verða afhent 7. janúar)
og á örugglega eftir að hljóta nokkrar tilnefningar til Óskarsverð-
launanna. Þegar þetta er skrifað er myndin með 8,5 í einkunn á
Imdb, 8,7 á Metacritic og 9,3 á RottenTomatoes. Þetta er sannarlega
mynd sem enginn sannur kvikmyndaaðdáandi má missa af í bíó.
l
Bærinn þar sem sagan í myndinni gerist og er kallaður Ebbing er í
raun smábærinn Sylva í Norður-Karólínuríki. Margir af bakgrunns-
leikurunum sem bregður fyrir í myndinni eru í raun íbúar Sylva.
l
Lögreglustjóranum í Ebbing (Woody Harrelson), er ekki skemmt yfir
athyglinni sem Mildred vekur með aðgerðum sínum til að þrýsta á
hann og menn hans. Eða býr kannski eitthvað annað að baki?
Veistu svarið?
Það er alveg ljóst að Frances McDormand mun
þann 23. janúar hljóta tilnefningu til Óskarsverð-
launa fyrir hlutverk sitt í myndinni og verður það
hennar fimmta tilnefning. En fyrir leik í hvaða mynd
hlaut hún Óskarinn fyrir tæpum tuttugu árum?
Þau Sam Rockwell og Frances McDormand eru bæði tilnefnd til
Golden Globe-verðlaunanna fyrir leik sinn í þessari frábæru mynd.
Fargo.
30
Myndir mánaðarins