Myndir mánaðarins Desember 2017 tbl. 287 DVD-VOD | Page 22
American Assassin
Nú er þetta persónulegt
Eftir að unnusta Mitch Rapp er myrt í hryðjuverkaárás ákveð-
ur hann að helga líf sitt baráttunni gegn hryðjuverkamönnum
og gengur til liðs við bandarísku leyniþjónustuna. Þar nýtur
hann leiðsagnar Stans Hurley sem er þaulvanur í baráttunni
og áður en langt um líður er komið að fyrsta verkefninu: Að
stöðva dularfullan hryðjuverkamann sem kallast „Draugur-
inn“ og er að reyna að koma þriðju heimsstyrjöldinni í gang.
Sögurnar um Mitch Rapp eru eftir bandaríska rithöfundinn Vince
Flynn sem af mörgum er talinn einn albesti spennusagnahöfundur
Bandaríkjanna fyrr og síðar, en bækur hans urðu tíðir gestir á topp-
listum bandarískra bóksala alveg frá því að fyrsta bókin, Transfer of
Power, kom út árið 1996. Í henni kynntust lesendur Mitch í fyrsta
sinn en hann var maður sem hafði ungur að árum helgað líf sitt og
krafta baráttunni gegn hættulegustu hryðjuverkamönnum heims.
Þegar Vince féll frá árið 2013 hafði hann skrifað þrettán bækur um
Mitch Rapp. Ellefta bókin, American Assassin sem kom út árið 2010,
skar sig úr því í henni hvarf Vince aftur til upphafsins og sagði
frá því þegar Mitch Rapp ákvað upphaflega að ganga til liðs við
bandarísku leyniþjónustuna, hvernig það kom til og þjálfun hans.
Það er einmitt eftir þeirri bók sem þessi fyrsta mynd um kappann
er gerð, en í henni tekst hann líka á við sitt fyrsta stórverkefni ...
American Assassin
Spenna / Hasar
DVD
111
VOD
mín
Aðalhlutverk: Dylan O’Brien, Michael Keaton, Taylor Kitsch, Scott
Adkins, Sanaa Lathan, Shiva Negar og David Suchet Leikstjórn:
Michael Cuesta Útgefandi: Myndform
Dylan O’Brien leikur Mitch Rapp í American Assassin og
íranska leikkonan Shiva Negar leikur kollega hans.
7. desember
Punktar ....................................................
HHH 1/2 - New York Post HHH 1/2 - Hollywood Reporter
HHH - N.Y. Times HHH - L.A. Times HHH - Rolling Stone
Hermt er að Dylan O’Brien hafi ekki síst hreppt hlutverk Mitch
Rapp vegna aldurs síns (hann er 26 ára) því honum er ætlað að
leika í fleiri myndum um Mitch Rapp sem gera á á næstu árum og
mun því eldast og þroskast í hlutverkinu, rétt eins og Mitch gerir í
í bókunum, en í þeim er hann 23 ára þegar hann kemur fyrst til
starfa hjá leyniþjónustunni. Fylgist með frá byrjun!
l
Michael Keaton leikur fyrrverandi leyniþjónustumanninn Stan Hurley
sem tekur að sér að þjálfa Mitch fyrir baráttuna sem er framundan.
Veistu svarið?
Það eru ekki liðin nema sex ár frá því leikferill Dylans
O’Brien hófst í sjónvarpsþáttunum Teen Wolf. Hann
hefur síðan byggt kvikmyndaferil sinn upp hratt og
sló t.d. í gegn í aðalhlutverki trílógíu sem hóf göngu
sína 2014 og er ekki lokið. Hvaða trílógíu?
The Maze Runner.
22
Myndir mánaðarins