Myndir mánaðarins Desember 2017 tbl. 287 DVD-VOD | Page 21
Christmas Lodge – Christmas Miracle
Christmas Lodge
Sumar minningar lifa að eilífu
Þegar Mary Tobin er í fjallaferð með unnusta sínum ganga þau fram á
bjálkahús sem vekur upp ótal minningar í huga Mary því í þessu húsi hafði
fjölskylda hennar oft safnast saman fyrr á árum, ekki síst í kringum jólin.
Þegar Mary fer að rannsaka málið sér hún sér til sárrar mæðu að bjálkahúsinu
hefur ekki verið haldið vel við. Um leið uppgötvar hún að eigandi þess er jafnaldri
hennar, Jack Rand, en þau hafa ekki hist síðan í æsku þegar fjölskyldur þeirra
voru nágrannar. Jack er áhugasamur um að gera húsið upp en skortir fé til þess
og svo fer að Mary ákveður að hjálpa honum við uppbygginguna sem hún af
sérstökum ástæðum vonar að verði lokið áður en næstu jól ganga í garð ...
Punktar ............................................................................................
Christmas Lodge er kanadísk mynd og er hún að öllu leyti tekin upp í og við
bæinn Langley í Bresku Kólumbíu í suðvesturhluta Kanada.
l
VOD
86
mín
Aðalhlutv.: Erin Karpluk, Michael Shanks og Rukiya
Bernard Leikstjórn: Terry Ingram Útgefandi: Sena
Jólamynd
1. desember
Christmas Lodge er rómantísk mynd um kristni, kærleik og tilgang jólanna.
Christmas Miracle
Trúin getur vísað þér leið
Þegar brestur á með óveðri og gríðarlegri snjókomu neyðast átta manns
sem þekkjast ekkert innbyrðis til að leita skjóls í gamalli kirkju. Staðan er
slæm því jólin eru að koma og því vilja þau öll komast heim sem allra fyrst.
Það er stundum sagt að þegar einar dyr lokast opnist aðrar og má segja að það sé
útgangspunkturinn í þessari sögu. Einstaklingarnir átta sem lokast inni í kirkjunni
hafa auðvitað ekkert við að vera nema ræða málin sín á milli og í ljós kemur að
þótt þau sýnist í fyrstu vera ólík innbyrðis er meira sem sameinar þau en sundrar.
Svo fer að dvölin í kirkjunni á eftir að leiða ýmislegt óvænt í ljós í fari þeirra allra og
um leið gerist dálítið kraftaverk sem á eftir að efla trú þeirra á hið góða.
Punktar ............................................................................................
Þessi mynd er gerð af sama leikstjóra og framleidd af sömu aðilum og gera
myndina hér fyrir ofan og eins og hún er þetta fyrst og fremst kristileg jólamynd.
l
VOD
92
mín
Aðalhlutv.: Allison Hossack, Aaron Pearl, Dan Payne
og Valin Shinyei Leikstjórn: Terry Ingram Útg.: Sena
Jólamynd
7. desember
Óveður og mikil snjókoma verða til þess að átta manns lokast inni í gamalli kirkju.
Myndir mánaðarins
21