Myndir mánaðarins Desember 2017 tbl. 287 DVD-VOD | Page 12
Glerkastalinn
Lífið er skóli
Glerkastalinn (The Glass Castle) er byggð á æviminningum og
samnefndri metsölubók Jeannette Walls sem kom út í Banda-
ríkjunum árið 2005 og á Íslandi hjá JPV-útgáfunni árið 2008 í
alveg sérlega góðri þýðingu Önnu Maríu Hilmarsdóttur.
Jeannette Walls fæddist árið 1960 og ólst upp
ásamt þremur systkinum í mikilli fátækt, óreiðu og
afskiptaleysi. Faðir þeirra var drykkfelldur skýja-
glópur sem hélst hvergi í vinnu og móðirin sagðist
vera listakona þótt hún skapaði aldrei neitt af viti
og virtist reyndar hvorki vita í þennan heim né
annan löngum stundum. Fjölskyldan festi hvergi
rætur, var stöðugt að flytja (flýja) og hvorki Jeann-
ette né systkini hennar gengu í skóla á uppvaxtar-
árunum. Svo fór líka að þau lærðu fljótt að standa
á eigin fótum og flúðu öll foreldra sína um leið og þau gátu, en
Walls-hjónin dagaði síðan uppi sem hústökufólk í New York.
Glerkastalinn
Brie Larson leikur Jeannette Walls eftir að hún hafði komið
undir sig fótunum og byrjaði að skrifa æskuminningar sínar.
Sannsöguleg
DVD
127
VOD
mín
Aðalhlutverk: Brie Larson, Naomi Watts, Woody Harrelson, Sarah
Snook, Max Greenfield, Joe Pingue, Ella Anderson, Chandler Head,
Sadie Sink og Iain Armitage Leikstjórn: Destin Daniel Cretton
Útgefandi: Myndform
1. desember
Punktar ....................................................
HHHH 1/2 - New York Daily News HHHH 1/2 - L.A. Times
HHHH - Time Out HHH 1/2 - The Hollywood Reporter
HHH - Variety HHH - Empire HHH - New York Times
Þeir fjölmörgu Íslendingar sem lesið hafa bókina sem myndin er
gerð eftir vita að þrátt fyrir að æska Walls-systkinanna hafi að
mörgu leyti verið dapurleg vegna vanrækslu foreldranna er sagan
um leið bæði fyndin og hlý því þrátt fyrir allt voru foreldrar þeirra
ekki vont fólk þótt þau hafi aldrei getað gert neitt af neinu viti eða
fyrirhyggju. Þau voru bara eins og þau voru og þótt ástandið á
„heimilinu“ hafi oft og tíðum verið bæði hörmulegt og sorglegt þá
innihélt líf þeirra bæði húmor og ást sem skilar sér vel í sögunni.
l
Woody Harrelson leikur hinn rótlausa Rex Walls, sem sagðist
reyndar vera „athafnamaður“ þótt hann gerði aldrei neitt af viti.
Það er Ella Anderson sem leikur Jeannette þegar hún var 12 ára.
Veistu svarið?
Brie Larson sem leikur aðalhlutverkið í Glerkastal-
anum er frábær leikkona sem hlaut bæði Óskars-,
Golden Globe- og BAFTA-verðlaunin fyrir aðal-
hlutverk í fyrra. Fyrir leik í hvaða mynd?
Walls-fjölskyldan árið 1972 þegar Jeannette var tólf ára, en stöðugir
flutningar settu mark sitt á uppeldi barna þeirra Rex og Rose Walls.
Room.
12
Myndir mánaðarins