Myndir mánaðarins Ágúst 2017 tbl. 283 bíóhlutihluti - Page 8

Bíófréttir – Væntanlegt irnar Blade Runner 2049 þar sem Jóhann vinnur enn á ný með leikstjóranum Denis Villeneuve (Prisoners, Sicario, Arrival), myndin Mother eftir Darren Aronofsky sem til stendur að frumsýna um miðjan október, nýjasta mynd James Mars (Theory of Everything) Mercy, og svo myndin A hentes, a kurva és a félszemü, en hún er eftir ungverska meistaraleikstjórann János Szász. Þótt auðvitað sé ekkert öruggt í þessum efnum ætlum við hér á Myndum mánaðarins að spá því hiklaust að nafn Jóhanns verði enn á ný áberandi á listum yfir bestu kvikmyndatónlist ársins þegar að þeim kemur í desember og janúar. Nýlega var tilkynnt að Will Smith hefði verið ráðinn til að leika eitt aðalhlutverkið í Disney- myndinni Aladdin sem er eins og myndirnar Maleficent, Öskubuska, Fríða og dýrið og Skógarlíf byggð á samnefndri teiknimynd fyrirtækisins þar sem leiknum atriðum verður blandað saman við tölvuteiknuð. Will mun leika andann í myndinni, Genie, en í teiknimyndinni sem var frumsýnd árið 1992 var það Robin Williams sem talaði fyrir hann og fór á algjörum kostum enda hlaut hann sérstök heiðursverðlaun á Golden Globe-hátíðinni 1993 fyrir leikinn og talsetninguna. Þeir sem sáu Aladdin með íslensku talsetningunni muna líka vafalaust að í henni fór Laddi einnig með himinskautum í sinni túlkun á andanum í lampanum og hefði ekki síður en Robbie átt skilið að fá heiðursverðlaun fyrir leik sinn. Gengi myndanna Olympus Has Fallen og síðan London Has Fallen var með slíkum ágætum að nú er byrjað að gera eina Fallen-mynd til og mun hún nefnast Angel Has Fallen. Sem fyrr mætir Gerard Butler á svæðið sem leyniþjónustuhetjan Mike Banner og nýlega var tilkynnt að leikstjórinn Ric Roman Waugh hefði verið ráðinn til að leikstýra, en nýjasta mynd Rics, Shot Caller, er einmitt á dagskránni nú í ágúst og er kynningu á henni að finna á blaðsíðu 30 hér aftar í blaðinu. Í þetta sinn gerist sagan um borð í forsetaflugvélinni Air Force One og sem fyrr eru það þau Creighton Rothenberger og eiginkona hans, hin íslenska Katrín Benedikt, sem skrifa handritið. Breski leikarinn Nicholas Hoult hefur nú verið fenginn til að leika J.R.R. Tolkien í nýrri mynd sem gera á um ævi hans. Tolkien, sem flestir vita að skrifaði Hringadróttinssögu og Hobbitann, er þriðja sann- sögulega persónan sem Nicholas leikur á skömmum tíma því hann leikur einnig rithöfundinn J.D. Salinger í hinni væntanlegu mynd, Rebel in the Rye, og Nikola Tesla í myndinni The Current War sem er einnig væntanleg, en tökum á báðum myndunum er þegar lokið. Félagarnir Ben Affleck og Matt Damon tilkynntu nýlega að þeir væru að hefjast handa við framleiðslu á mynd sem gerð yrði eftir einni af mörgum frægum sakamálasögum Agöthu Christie, Witness for the Prosecution. Ben mun jafnframt leikstýra og leika eitt af aðalhlutverkunum en ekki er enn vitað hvaða aðrir leikarar verða í henni. Witness for the Prosecution gerist að stórum hluta til í réttarsal og segir frá manni einum sem er sakaður um morð á auðugri eldri konu. Til að byrja með bendir allt til að hann sé sekur en mjög óvæntar vendingar verða til þess að málið verður dularfyllra og dularfyllra með hverjum deginum sem líður uns óvæntur sannleikurinn kemur í ljós. Sagan hefur nokkrum sinnum verið kvikmynduð áður, en sennilega er 1957-myndin eftir Billy Wilder með þeim Tyrone Power, Marlene Dietrich og Charles Laughton í aðalhlutverkum þeirra frægust en hún var tilnefnd til sex Óskarsverðlauna á sínum tíma. Og af því að við vorum að minnast á Matt Damon má geta þess að tökum á myndinni Ocean’s Eight, sem hann leikur eitt af aðalhlutverkunum í, er nú að mestu lokið og eftirvinnsla hafin 16 bitar 4 kr 4 ón 9 ur 9 BJÓÐIÐ en myndina á að frumsýna næsta sumar. Ekkert hefur verið gefið upp um söguþráðinn, en leikstjóri er Gary Ross sem gerði m.a. myndirnar Pleasantville, Seabiscuit, The Hunger Games og Free State of Jones og í öðrum hlutverkum er heill her af þekktum leikkonum eins og Dakota Fanning, Anne Hathaway, Cate Blanchett, Sandra Bullock, Olivia Munn, Helena Bonham Carter, Sarah Paulson og fleiri auk þess sem t.d. Kim Kardashian West, Adriana Lima, Kendall Jenner, Kylie Jenner, Mindy Kaling, Rihanna og fleiri konur sem eru frægar fyrir annað en leik koma fram í henni. Það verður forvitnilegt að sjá um hvað þetta snýst allt saman. Þeir sem hafa hugsanlega haldið að Rocky Balboa hefði sungið sitt síðasta hafa haft rangt fyrir sér því nú er á fullu vinnsla á myndinni Creed II, en hún er að sjálfsögðu framhald af myndinni Creed sem sló í gegn 2015 og markaði óvænta endurkomu Rockys inn á sviðið því Sylvester Stallone hafði áður sagt að Rocky myndi ekki eiga afturkvæmt eftir að myndin Rocky Balboa var gerð árið 2006. En svona geta nú hlutirnir breyst upp úr þurru í kvikmyndabransanum. Í Creed II er sögu hins unga og efnilega Adonis Johnson (Michael Jordan) fram haldið en hann er eins og flestir vita sonur Apollos Creed sem Rocky barðist við í upphafsmyndunum. Ekki er enn orðið opinbert hver leikstýrir en hins vegar er ljóst að Ivan Drago (Dolph Lundgren) snýr aftur en hann olli einmitt dauða Apollos Creed á sínum tíma. Pantið á veisla@subway.is eða á þeim stað sem hentar að sækja. Nánari upplýsingar eru á subway.is/veisla. VEISLUPLATTANN VELKOMINN 8 Myndir mánaðarins