Myndir mánaðarins Ágúst 2017 tbl. 283 bíóhlutihluti - Page 35

Kidnap Hvað sem það kostar! Karla Dyson er fráskilin móðir sex ára stráks, Frankies, vinnur á veitingastað og er bara nokkuð sátt við lífið og tilveruna. Dag einn þegar hún á frí fer hún með Frankie í skemmtigarð en rétt eftir komuna þangað hringir síminn. Eftir stutt símtalið áttar Karla sig á að Frankie er horfinn og að honum hefur verið rænt! Þannig hefst þessi hraða spennu- og hasarmynd sem segja má að sé ein samfelld þeysireið frá upphafi til enda. Karla hefur að sjálf- sögðu þegar leit að Frankie og nógu snemma til að sjá hvar hann er dreginn upp í bíl sem síðan er ekið á brott. Karla reynir hvað hún getur til að stöðva bílinn en þegar það tekst ekki neyðist hún til að hefja eftirför. Því miður þá missti hún símann sinn þegar hún hékk á bíl ræningjans þannig að hún getur ekki gert lögreglunni viðvart og framundan er svakalegur eltingaleikur þar sem allt getur gerst ... Kidnap Venjuleg ferð í skemmtigarðinn breytist í algjöra martröð fyrir Körlu Dyson þegar syni hennar er rænt, nánast fyrir framan nefið á henni. Spenna / Hasar 94 mín Aðalhlutverk: Halle Berry, Lew Temple, Chris McGinn, Malea Rose, Sage Correa, Dana Gourrier og Justin Lebrun Leikstjórn: Luis Prieto Bíó: Smárabíó, Háskólabíó og Borgarbíó Akureyri Frumsýnd 23. ágúst Punktar .................................................... Myndin var öll tekin í New Orleans og nágrenni og er leikstýrt af Spánverjanum Luis Prieto sem árið 2002 varð fyrsti leikstjórinn til að hljóta verðlaun á Tribeca-kvikmyndahátíðinni sem Robert De Niro stofnaði til í New York það sama ár. Verðlaunin hlaut hann fyrir sína fyrstu mynd, stuttmyndina Bamboleho, sem hlaut reyndar fjölmörg verðlaun á öðrum kvikmyndahátíðum. Á meðal bíómynda sem Luis hefur síðan gert má nefna myndirnar Condón Express, Ho voglia di te, Meno male che ci se og hina ensku útgáfu myndarinnar Pusher sem Nicolas Winding Refn gerði upphaflega árið 1996. l Karla reynir hvað hún getur til að stöðva bíl ræningjanna en allt kemur fyrir ekki og í framhaldinu neyðist hún til að hefja eftirför. Veistu svarið? Halle Berry lék í sinni fyrstu mynd, Jungle Fever, 25 ára gömul árið 1991 og hlaut Óskarinn 10 árum síðar fyrir túlkun sína á ekkjunni Leticiu Musgrove í myndinni Monster’s Ball eftir Marc Foster. En hvaða stökkbreyting lék hún síðar í X-Men-myndunum? Halle B 䁱ȁ/ɱԁͽ͕ȃٗ)Ёѥȃͥմѥմ͕Ʌչȸ)=ɽɼ5չɽMѽɴ)5幑ȁɥ(