Myndir mánaðarins Ágúst 2017 tbl. 283 bíóhlutihluti - Page 32

Stóri dagurinn Á milli tveggja elda Þau Mathias og Alexia hafa verið par í talsverðan tíma þegar Mathias álpast út í framhjáhald með konu að nafni Juliette. Þegar Alexia finnur nafnspjald hennar í vasa Mathiasar mis- skilur hún það sem bónorð því á því stendur að Juliette starfi við að skipuleggja brúðkaup ... og segir auðvitað „já“. Stóri dagurinn er ærslafull gamanmynd eins og Frökkum einum er lagið að gera þar sem misskilningur á misskilning ofan skapar flóknar en bráðfyndnar flækjur sem flækjast enn meira eftir því sem á líður. Mathias vill ekki segja Alexiu sannleikann, og þar með koma í veg fyrir að málin fari úr böndunum, því þá mun auðvitað komast upp um framhjáhaldið. Því fer sem fer að þegar Alexia segir öllum frá bónorðinu og væntanlegu brúðkaupi þá pikkfestist Mathias í lygavef sem vo nlaust er fyrir hann að leysa sig úr nema með slæmum afleiðingum. Og hvað gera bændur þá? Stóri dagurinn Þegar Mathias og Juliette, sem starfar við að skipuleggja brúðkaup, hittast fyrst grunar hvorugt þeirra vesenið sem í vændum er. Gamanmynd 94 mín Aðalhlutverk: Reem Kherici, Nicolas Duvauchelle, Julia Piaton, Sylvie Testud, François-Xavier Demaison, Chantal Lauby, Ella Anderson og Victoria Monfort Leikstjórn: Reem Kherici Bíó: Smárabíó, Háskólabíó, Borgarbíó Akureyri, Selfossbíó, Skjaldborgarbíó, Ísafjarðarbíó, Króks- bíó, Bíóhöllin Akranesi og Eyjabíó Frumsýnd 16. ágúst Punktar .................................................... Leikstjóri myndarinnar, söguhöfundur og annar handritshöfundur er Reem Kherici sem einnig leikur viðhald Mathiasar, Juliette. Reem hefur notið mikilla vinsælda sem leik- kona á undanförnum árum í ýmsum mynd- um og sendi sem leikstjóri frá sér aðra gam- anmynd árið 2013, Paris à tout prix, sem varð mjög vinsæl í Frakklandi. l Reem Kherici. Stóri dagurinn er tekin upp á nokkrum þekktum og um leið feg- urstu stöðum Frakklands og þykir kvikmyndatakan í henni afar góð. l Fjórir af aðalleikurum myndarinnar stilla sér upp eftir vel heppnað búningapartý en þetta eru Reem Kherici sem leikur Juliette, Nicolas Duvauchelle sem leikur Mathias, François-Xavier Demaison sem leikur vin Mathiasar, Ben, og Sylvie Testud sem leikur vinkonu þeirra, Clarisse. 32 Myndir mánaðarins Þar sem Mathias hefur ekki vit á að losa sig úr klemmunni strax verður hann að leika leikinn og skipuleggjarinn Juliette er aldrei langt undan.