Myndir mánaðarins Ágúst 2017 tbl. 283 bíóhlutihluti - Page 12

Bíófréttir – Væntanlegt Undir trénu til Feneyja Edda Björgvinsdóttir leikur Ingu sem er stað- ráðin í að tréð sem heiti myndarinnar vísar í verði ekki fellt, a.m.k. ekki á meðan hún dregur andann. Það segir enginn Ingu fyrir verkum! Steindi leikur Atla sem lendir í óvægnum deil- um við barnsmóður sína um umgengnisrétt eftir að hún hendir honum út af heimili þeirra. Eins og kvikmyndaáhugafólk hefur eflaust frétt stóð til að frumsýna nýjustu mynd Hafsteins Gunnars Sigurðssonar, Undir trénu, 23. ágúst. Þeirri áætlun var hins vegar breytt undir lok júlí þegar það boð barst frá forráðamönnum kvikmyndahátíðarinnar í Feneyjum, elstu og einnar virtustu kvikmyndahátíðar heims, að Undir trénu hefði verið valin til að keppa til verðlauna þar í flokknum Orizzonti, fyrst íslenskra kvikmynda í fullri lengd. Skilyrði fyrir þátttöku er hins vegar að myndin verði heimsfrumsýnd á hátíðinni og því ákváðu aðstandendur hennar að fresta frumsýningum annars staðar fram til 6. september, en Fen- eyjahátíðin fer fram dagana 30. ágúst til 9. sept- ember. Það verður gaman að sjá árangurinn. Undir trénu er eins og áður sagði nýjasta mynd Hafsteins Gunnars Sigurðs- sonar sem á að baki hinar afar góðu myndir Á annan veg og París norðursins. Myndin er sögð dramatísk upplifun með eitruðum húmor og þrillerkenndu ívafi en hún segir frá hjónunum Ingu og Baldvini sem lenda stigvaxandi deilum við nágranna sína, Eybjörgu og Konráð, vegna trés á lóð þeirra fyrrnefndu sem er farið að skyggja verulega á lóð þeirra síðarnefndu. Á sama tíma lendir sonur Ingu og Baldvins, Atli, í vanda þegar barnsmóðir hans, Agnes, kemur að honum að horfa á gamla kynlífsupptöku. Hún hendir honum út með það sama þannig að Atli neyðist til að flytja inn á gömlu og lendir svo í framhaldinu í hörkudeilum við Agnesi út af umgengnisrétti við dóttur þeirra. Þessar aðskildu deilur verða síðan stöðugt harðari, eignaspjöll eru framin, gæludýr byrja að hverfa og að því kemur að flugbeitt keðjusög er gangsett. Lego-kubbamyndirnar frá Disney hafa notið mikilla vinsælda í kvik- myndahúsum hjá fólki á öllum aldri enda bráðskemmtilegar, sérlega frumlegar og afar fyndnar. Í september er von á einni slíkri mynd til sem nefnist á frummálinu The LEGO Ninjago Movie. Hún segir frá kubbastráknum Lloyd sem ásamt nokkrum félögum sínum æfir ninja- bardagalistir á kvöldin sem kemur sér vel í baráttunni við öfl og óvættir sem vilja heimaborg þeirra, Ninjago, ekkert vel. Á daginn á Lloyd hins vegar í annars konar átökum því vegna þess að hann er sonur hins herskáa og að margra mati illa Garmadons sem hugsar í heimsyfir- ráðum eða dauða (helst samt heimsyfirráðum) þá nýtur hann ekki vel- vilja skólafélaganna sem forðast hann reyndar eins og heitan eldinn. Um leið og Lloyd og félagar hans skerpa á hæfileikum sínum undir stjórn ninjakennarans Sensei Wu þarf Lloyd því að takast á við föður sinn og helst að fá hann til að hætta allri þessari heimsyfirráðavitleysu. Garmadon er herskár faðir Lloyds og stefnir að heimsyfirráðum. 12 Myndir mánaðarins Lloyd og félagar eru engin lömb að leika sér við þegar þeir eru komnir í ninjabúningana og tilbúnir í átök. Ninjakennarinn og bardagaséníið Sensei Wu kennir Lloyd og félögum allt það nýjasta í bardagatækninni.