Human Capital Editorial
Почитувани членови, соработници, пријатели и читатели,
Заедничките идеи, визии и замисли ги преточивме во новото издание на
нашето електронско списание “Човечки капитал”. Во овој број, со кој заокружуваме
еден цел календарски циклус, имаме задоволство да Ве информираме и потсетиме на
активностите на Македонска асоцијација за човечки ресурси и на нашите заеднички
достигнувања. Во најголем дел даваме ретроспектива на настаните кои се одржаа
во изминатиот период од последното издание на нашиот електронски весник.
Особено внимание заслужува нашиот најпрепознатлив бренд –
традиционалната годишна меѓународна конференција за човечки ресурси, на која сме
особено горди. Таа го привлекува вниманието на се поголем број на учесници од
земјава и регионот. Во овој број, сите оние кои немаа можност да присуствуваат или
да се запознаат преку бројните објави и написи во медиумите, ќе можат да се
запознаат со настаните на конференциите: во 2016 година, одржана во хотелот
Мериот во Скопје, и во 2017 година одржана во хотелот Александар Палас во Скопје.
Од година во година, овој настан е сè повисоко на картата на HR настани во
регионот и пошироко, со потврден квалитет и сè поголема посетеност.
Не ги изоставивме и сопствените иницијативи, како што е наградата “HR
менаџер на годината”, која оваа година беше доделена по трет пат од нејзиното
воведување. Понатаму, редовните полуформални средби именувани како “HR кафе &
Networking”, кои се сè попосетени од нашите драги членови и соработници и од кои се
почесто призлегуваат убави приказни и долгорочни пријателства и соработки.
Донесуваме и интервјуа со HR професионалци, кои ни ги пренесуваат своите искуства
и постигнувања во менаџирањето со луѓето.
И во ова издание, ќе имате можност да ги прочитате стручните статии на
наши членови, кои обработуваат интересни актуелни теми и споделуваат искуства,
овојпат со акцент на личниот и професионалниот развој.
Се надеваме дека темите ќе го привлечат Вашиот интерес и дека ќе уживате
во читањето!
Со почит,
Редакцискиот тим на
“Човечки капитал”
ЧОВЕЧКИ КАПИТАЛ бр.7 октомври 2017
www.mhra.mk
2