Die trein kom nog s teeds daar verby,
maar hy stop nie (14:00 en dan kom hy
weer 16:00). In die ou dae was die shed
gebruik om goedere tussen die Kaap en
Caledon vanaf die treine oor te laai.
Die trein kom verby sodra daai eerste
sliert lekkerte smelt in jou mond ...
varkmagie en -ribbetjies ... met ’n
heerlike bedruipsous ... my voorkeur is
groente, maar na my vegetariese pizza
is ek bitter spyt dat ek nie die varkmagie
en -rib pizza bestel het nie. Ken jy
kamma-vegetariërs wat nou en dan hul
lus vir vleis voorrang gee en dan bitter
spyt is dat hulle beesfilet bestel het?
Wel dié een het te laat spyt gekry dat die
gier haar nie oorval het nie, maar dank
vader het pa Thys ’n hele bord ribbetjies
gekry, R95 vir 500g, met ‘n keuse tussen
kapokaartappels en aartappelskyfies.
Dié een was met kapokaartappels om
die sousie verder te laat gaan. Lekker,
maar my vriend Leon Roelofse maak
die beste – so romerig soos ’n blonde
nooi se kus.