en nog meer gebruik. Bo-oor het ek rooi lemoensakkies
vasgemaak met wasgoedpennetjies. Ek moes twee sakkies
gebruik, so daar was ’n oorvleueling en sowaar, van hulle het
op stadige pas hulself daaruit gewriemel. Ek het my verbeel
dat hulle depressief is oor hul situasie, maar dalk was dit
net antropomorfiese gevoelens, want as jy snags by die tenk
staan en fyn luister, hoor jy ’n genjars-njars-njars van blare
wat beteken alles is reg … soort van. Ek kry dieselfde gevoel
wanneer my katte hulle kospilletjies kners-knars. Ek glo dis
die naaste wat ek ooit aan ’n moederlike instink sal kom.
Terug by die slakvoorbereiding … die slaai-brood dieet hou
aan vir drie dae (kan sekerlik ook langer aanhou). Hulle ontlas
oral, so gee hulle ’n groot genoeg area. Moenie karton gebruik
nie, hulle sal hulself daaruit eet-suig. Dag vier en vyf is die
geheelonthoudingstydperk. Plaas hulle in ’n skoon houer,
weereens met genoeg spasie.
Die vorige keer toe ek die slakproses begin het, het ek op dié
punt slymerige voete gekry. Ek het hulle uitgehonger en laat
vrek. Nooit voorberei na die verhongering nie, weggegooi en
baie skuldig gevoel.
Dag ses breek aan. Die kolander is hulle nuwe tuiste en fyn
sout omhels hulle. ’n Massa slym word afgeskei. Was hulle
onder koue water af. Berei ’n groot pot kokende water met ’n
bouquet garni, court-bouillon en een eetlepel asyn. Kook hulle
vir 20 minute. Skep die slakke uit en verfris hulle met koue
water. Kry dan ’n koekvurkie, hekelnaald of iets waarmee jy
die diertjie kan uithaak uit die skulp. Ek het die eerste ses
gedoen toe die naarheid my oorval. Hulle is tog diere en ek ’n
kamma-vegetariër. My ander helfte het oorgeneem en nog
55 gedoen.
Ek het botter gesmelt in ’n pan en hulle daar ingekantel en
geroer vir so vyf minute. Toe ’n bietjie knoffel by gegooi en op
geroosterde winkelbrood gesit. Hoe meer botter en knoffel,
hoe lekkerder, maar natuurlik beteken dit meer kolesterol. Ek
het ses gehad en kon nie meer nie. Kêrel het die res verorber.
Volgens ’n onlangse artikel van Paul Cockerton in
die Mirror, bevat die slak se slym hoogs benefisiele
proteine, anti-oksidante en anti-bakteriee.
Foto’s & Teks: Tania Bester
’n Slak kan tot
tien keer sy eie
gewig optel.
24 Mei is slakdag