Gabriëlskloof Restaurant
Plesier in
Botrivier
O
ns ry vanaf
Meerensee net buite Hawston Botrivier toe. Ons vat die
skelm paadjies Gabriëlskloof toe. Ry oor berge en dale. Plotseling, op
die Swartrivierpad net buite Botrivier, verskyn daar ’n indrukwekkende
struktuur. Gabriëlskloof, oorspronklik Avontuur, is later herdoop na sy
eerste eienaar, Gabriël le Roux. Hy het vanaf 1860 hier wyn gemaak en
brandewyn gestook om aan reisigers te verkoop wat die lang droë reis
na die buitewyke van die kolonie aangedurf het.
Bernhard Heyns het Gabriëlskloof in 2001 gekoop met die oog daarop
om wyndruiwe en olywe in hierdie tradisionele koringstreek te vestig
en te verbou. Die eerste wingerde is ’n jaar later aangeplant en sedert
2008 is Kobie Viljoen die wynmaker. Kobie se ervaring met rooi wyne
het plaas gevind by Distell (voorheen SFW), Landskroon en Winecorp
(Spier, Longridge). Hy het toe in Marlborough in Nieu-Seeland meer
geleer van Sauvignon Blanc.
Foto’s & Teks: Tania Bester