#GrootOntbyt
Gesondheid in die kosblik
Die afgelope jaar kry kykers elke Maandagoggend op Die Groot Ontbyt nuwe planne,
maklike resepte en praktiese voorstelle vir kosblikke – ja, vir die hele gesin.
K
Deur Heleen Meyer
osblikke vir die hele gesin... Dié
sinnetjie is genoeg om enige
mens se moed in hulle skoene
te laat sak. Tog bly dit in die
meeste huishoudings deel van die oggend
roetine. Die kafeteria- of kitskos-opsies is
verleidelik en gerieflik, maar dis vir almal
belangrik om gesond te eet. En dis inder-
daad makliker as wat baie mense dink.
Die beginsels vir voedsame, gebalan-
seerde kosblikke vir die hele gesin kan
beslis meer as net nog ’n toebroodjie wees.
As jy vooruit beplan, ’n lekker resep of
drie het en sommer jou aandetes as basis
vir die kosblikke gebruik, is die slag half-
pad gelewer.
Die doel van ’n kosblik is om almal
versadig te hou tot die volgende ete. Elke
ete, en daarom ook ’n kosblik, moet iets
uit elke voedselgroep hê: ’n proteïen; ver-
kieslik onverfynde stysel met ’n hoë vesel
inhoud; vars groente of vrugte; en gesonde
vette en olies soos olywe, avokado, neute
en sade. En wat is ’n goeie porsiegrootte?
Verdeel jou bord (of kosblik) in kwarte
en vul een kwart met proteïen, een kwart
met stysel en die res met vrugte en groente
van die seisoen. Die geheim is om dit so
vars en onverwerk as moontlik te probeer
hou. Tuisgemaak is altyd die beste, want
dan het jy beheer oor die sout, suiker,
ongesonde vette en preserveermiddels.
Hoe kleurryker ’n ete, hoe meer tekstuur
én voedingswaarde is ingesluit. Onthou,
’n mens is dikwels teen laatmiddag lus vir
peusel – sluit dus iets vullends en voed-
saams in soos ’n hand vol neute, vrugte of
tuisgemaakte peuselhappies.
Een van die gewildste resepte wat ek
onlangs op Kosblik gemaak het, is hierdie
maklike tuna-en-mieliekoekies. Dit is
heerlik as ’n ligte aandete en boonop
gerieflik om in te pak. Die volkoringmeel
maak dit nóg meer vullend en dis ewe
lekker teen kamertemperatuur. Pak vars
groente en vrugte daarby in, want die
tunakoekies bevat reeds proteïen en stysel.
’n Slaai – of net tamatietjies, komkommer,
Kry nog
resepte by
kykNET.tv
geblansjeerde groen groente of avokado –
is heerlik hierby.
Gesonde kos is tot almal se voordeel.
Tuna-en-mieliekoekies
Genoeg vir 4
• 1 blik (170 g) tuna in water,
gedreineer
• 1 blik (410 g) suikermielies
• ⅓ koppie (80 ml) bevrore ertjies,
afgespoel
• 1 koppie (250 ml) volkoringmeel
• ½ teelepel (2,5 ml) bakpoeier
• 2 eiers, geklits
• 2 eetlepels (30 ml) gekapte vars
pietersielie
• ¼ teelepel (1,25 ml) sout
• 1 eetlepel (15 ml) suurlemoensap
• swartpeper na smaak
• olyf- of avokado-olie vir braai
1 Sit al die bestanddele behalwe die
olie in ’n groot mengbak en roer
alles deur tot dit goed gemeng is.
2 Verhit ’n dun lagie olie oor matige
hitte in ’n braaipan. Braai lepels vol
van die beslag tot goudbruin en gaar.
Draai die koekies om en braai ook
die ander kant.
3 Skep die koekies uit en dreineer
dit op kombuispapier.
4 Sit dit voor as deel van ’n kosblik
met slaaibestanddele.
Resep uit Cooking From the Heart 2.
Gaan na heleenmeyer.co.za vir al die
vorige kosblikresepte of volg haar op
facebook.com/HeleenMeyerFood.
30
Die Groot Ontbyt Maandag tot Vrydag om 06:00 op kykNET, kanaal 144.
kykNET | MEI 2017