Kyk die
lokprent hier:
youtube.com/
watch?v=Q-
fu4399DqGM
#JohnnyIsNieDoodNie
Moenie ‘Johnny’ misloop nie
D
Al is die fliek Johnny is nie Dood nie eergister eers vrygestel, spog hy al klaar met
’n rak vol toekennings. Een ding is seker: Dié storie gaan die tonge laat klap.
is die jaar 2002 en die musiek
legende Johannes Kerkorrel is
dood. Vier vriende kom byme-
kaar en dink terug aan hulle
studentedae op Stellenbosch. Hulle herleef
die magiese dae van die Voëlvry-bewe
ging – die dae van musiek deur Kerkorrel,
Koos Kombuis en Bernoldus Niemand,
’n tyd van die politieke ontwaking van die
Afrikaanse jeug.
Dit is Johnny is nie Dood nie.
Die fliek is gegrond op die gelyknamige
drama deur Malan Steyn en is ’n storie
oor vriendskap en verraad, seksuele en
politieke bevryding, jeugdige idealisme en
middeljarige ontnugtering.
Wenspan Die Silwerskerm-wenners is, van links,
Herman Binge (vervaardiger), Charl-Johan Lingen-
felder (musiek), Birrie le Roux (produksie-ontwerp),
Christiaan Olwagen (regie, draaiboek), Albert
Pretorius (akteur), Ludwig Binge (manlike byspeler)
en Ilana Cilliers (vroulike byspeler).
Die regisseur en draaiboekskrywer
Die regisseur is Christiaan Olwagen, wat
ook vir die draaiboek verantwoordelik was
en ’n bekende is in teaterkringe. Johnny is
nie Dood nie is sy debuut as fliekregisseur.
Hy het eers met die vyf hoofspelers in
’n repetisielokaal geoefen, en later op stel
soos hy met teaterproduksies sou doen.
Hy glo hierdie teateraanslag was van die
grootste belang vir die eindproduk.
Agter die skerms
Die kameraregisseur is Chris Vermaak.
Wees veral op die uitkyk vir die skoot by
die partytjie wat ’n volle dertien minute
aaneen verfilm is. Die produksie-ontwer-
per is Birrie le Roux, wat al verskeie toe
kennings ontvang het vir haar teaterwerk.
Charl-Johan Lingenfelder was verant-
woordelik vir die klankbaan met van sy eie
musiek, asook dié van onder andere Kerk
orrel en Kombuis.
Die spelers
Roelof Storm is Johnny: Hy is in 2013
vir ’n Fleur du Cap-prys benoem as mees
belowende student. Hy en Christiaan
het al verskeie kere saam gewerk, onder
meer in Dogma, A Doll’s House en Die
Lelike Een.
Rolanda Marais is Lise: Sy is bekend vir
rolle op TV, in flieks en die teater. Sy het
’n Fiësta as beste aktrise gewen vir Die
Seeumeeu (Christiaan was die regisseur).
Albert Pretorius is Dirk: Albert is bekend
vir TV-reekse soos Buurtwag en Vloek-
steen, rolprente soos Modder en Bloed,
en verhoogwerk in stukke soos Die Seeu-
meeu, Playland en Wild.
Ludwig Binge is Hein: Ludwig was te sien
in toneelstukke soos Balbesit, Wie Drink
Wat? en Macbeth.Slapeloos, asook die
TV-reekse Die Byl, Treknet en Suidooster.
Ilana Cilliers is Anja: Ilana het al verskeie
toekennings gewen. Sy is vanjaar by die
groot kunstefeeste te sien in Piekniek by
Mpande née Dingaan.
Toekennings
Johnny is nie Dood nie het agt toekennings
gewen by die Silwerskermfees in 2016.
• Beste speelfilm
• Beste regisseur: Christiaan Olwagen
• Beste akteur: Albert Pretorius
• Beste manlike byspeler: Ludwig Binge
• Beste vroulike byspeler: Ilana Cilliers
• Beste draaiboek: Christiaan Olwagen
• Beste oorspronklike musiek: Charl-
Johan Lingenfelder
• Beste produksie-ontwerp: Birrie le Roux
Media
“Hoewel die film spesifiek na die Afri-
kaner kyk, en die klankbaan tot ’n sekere
generasie spreek, glo ek dit is ’n universele
fliek.” – Reney Warrington op Litnet
Johnny is nie Dood nie Vanaf Vrydag 5 Mei 2017 in teaters landwyd.
MEI 2017 | kykNET
25