#classicsisgroot
‘Classics’
is
GROTER AS OOIT!
#PlaaslikeMusiek
Gail se hart klop
AFRIKAANS
Ná verlede jaar se groot sukses met Classics is Groot is besluit
om vanjaar weer so te maak.
O
p 23 en 24 Junie is dit weer
tyd vir Classics is Groot, en as
jy gedink het verlede jaar s’n
het jou asem weggeslaan, wag
net tot jy hoor wat die vervaardigers vir
vanjaar se konsert beplan.
“Ons maak die betowering en ervaring
veel groter,” sê Barry Pretorius, vervaardi-
ger en regisseur. “Dis ’n ryk en romerige
vermenging van immergroen pop-, rock-
en komtemporêre treffers, maar ons bring
uiteraard klassieke werk en stukke by vir
die fynproewers wat liefhebbers is van
klassieke werke met gravitas.”
Hy sê die trefkrag van verlede jaar
se konsert was enorm, veral toe dit op
kykNET uitgesaai is. “Ons het ongeloof-
like terugvoer gekry, en dit was genoeg
motivering om die konsert vanjaar weer
te hou. Die DVD was eweneens gewild en
het drie maande onder die top 20 geboer.”
Onder die kunstenaars wat gaan optree
tel Corlea, Jannie Moolman, Joseph Clark,
Touch of Class, Tarryn Lamb van die
groep Blackbyrd en Monique Steyn asook
die Nederlandse kinderster Amira, die
pianis Charl du Plessis en die Joburg
Ballet Company. Die sangroep Coleske
tree ook vir die eerste keer in baie jare
weer voor ’n gehoor op.
Wat kan mense nog van vanjaar se
konsert verwag?
“Dink aan daardie hoendervleisoomblik
wanneer die kandelaar in Phantom of the
Opera uit die stof kom en in die dak van
die teater gehys word,” sê Barry. “Of die
emosie wat jy sal ervaar wanneer ’n groot
28
groep doedelsakspelers “Amazing Grace”
speel terwyl Amira dit sing. Of hoe voel
jy oor Elvis Presley se “An American
Trilogy”, ’n enorme treffer voor sy dood?
Daar is selfs ’n deel van Swanemeer wat
deur die Joburg Ballet Company opgevoer
gaan word.”
Hy sê Classics is Groot is nie noodwen-
dig ’n klassieke konsert nie. “Klassieke
musiek word wel ten toon gestel en ek
dink mense se waardering hiervoor lê juis
daarin dat dit die beginpunt is van alle
musiekgenres wat ons vandag ken. Enige
musiekkenner, musikant of komponis het
waardering vir klassieke musiek.”
Om die produksie op te voer verg
’n produksiespan van meer as 100 mense.
Daar is ook ’n simfonieorkes met 40 spe
lers, 13 soliste en ’n koor van 22 stemme.
Dit bring natuurlik sy eie uitdagings.
“Alles van begrotings tot mensever-
houdings tot die bestuur van 150 mense
se dagboeke,” sê Barry. “Maar uiteindelik
is die grootste uitdaging ook ons grootste
verantwoordelikheid: die publiek wat
betaal om hierdie konsert te ervaar. Elke
aspek word oor en oor en tot in die fynste
detail deurdink om seker te maak die
gehoor kry waarde vir hulle geld.”
Die TV-uitsending en DVD het dalk
oorweldig positiewe reaksie uitgelok,
maar niks kom by die regstreekse konsert
nie, sê Barry.
“Niks klop daai ongelooflike gevoel
wanneer 7 500 mense verskeie kere soos
een man opstaan en ’n item toejuig nie.
Dis darem maar net magic.”
Classics is Groot word op 23 en 24 Junie in die
Moreletapark-ouditorium gehou. Kaartjies kos R350-R625
en is beskikbaar by www.ticketpro.co.za
kykNET | JUNIE 2017
Corlea Botha (bo), die Nederlandse sangeres
Amira (middel) en Joseph Clark (onder) by
verlede jaar se Classics is Groot. Hulle is al drie
terug vir vanjaar se konsert.
By feeste, groot konserte
en toekenningsaande sal jy
haar altyd sien: die blonde
kopvrou met ’n spesiale
liefde vir Afrikaanse musiek
én vir kykNET. Maak kennis
met Gail Norton.
H
aar pa was ’n Ier, haar ma Portugees. Hulle huis-
taal was Engels, maar as jy vir Gail Norton vra
wat haar hart warm laat klop, antwoord sy
vinnig: Afrikaanse musiek.
“Ons het saam met my Portugese grootouers op hulle plaas
oos van Johannesburg gewoon en was die enigstes in die familie
wat Engels gepraat het,” vertel Gail. “Ek het egter Afrikaanse
mense se gasvryheid, goedhartigheid en veral hulle ‘gees’ op ’n
jong ouderdom leer ken.”
In 1970, ná haar egskeiding, het sy en haar kinders KwaZu-
lu-Natal toe getrek. In 1986 het sy haar eie besigheid, Gail Nor-
ton Instrumentation, begin en ’n groot sukses daarvan gemaak –
in 1997 was sy selfs Shoprite-Checkers se Sakevrou van die Jaar.
Gail se liefde vir Afrikaanse musiek het in 2003 begin toe sy
die eerste keer Aardklop bygewoon het. “Ek het rondgeloop,
stomgeslaan deur die wonderwêreld van Afrikaanse musiek en
die wêreldklas talent,” sê sy.
Terug in KwaZulu-Natal kon sy nie ophou dink aan die
musiek wat sy by die fees gehoor het nie. “Ek het besef hierdie
liedjies is verteenwoordigend van ons mooi land, Suid-Afrika.
Van die wêreld se mooiste liedjies is in Afrikaans geskryf!”
Huisgenoot se Skouspel was nog een van die mylpale
in haar reis met Afrikaanse musiek, en later het konserte
soos Afrikaans is Groot gevolg. En watwo net een konsert –
Gail sou sommer oor ’n naweek al die konserte bywoon wat
sy moontlik kón.
‘Ek glo daar gaan ’n tyd
kom wanneer mense hierheen
gaan reis om na ons kunstenaars
te kom luister.’
“Dit is werklik wêreldklas,” sê sy. “Ons het nie nodig om die
wêreld vol te reis agter musiekkonserte aan nie. Ons het alles
hier. Ek glo daar gaan ’n tyd kom wanneer mense hierheen gaan
reis om na ons kunstenaars te kom luister.”
Wanneer haar werkskedule dit toelaat, vat Gail die pad na nog
’n fees of konsert. Sy is al deel van die musiekfamilie, en omtrent
Gail Norton en Kurt Da
rren kuier saam voor
vanjaar
se Ghoema-toekennin
gs.
almal in die bedryf ken vir Gail met die volronde Engelse aksent
en funky hare.
“Ek voed my siel deur die feeste en konserte by te woon,” sê sy.
Moet haar net nie vra of oor ’n gunstelingkunstenaar nie.
“Daar is te veel om op te noem – ek is so dankbaar vir die
musiek wat hulle bied. Ek is mal oor alle kunstenaars, veral as
hulle met die bestes in die wêreld vergelyk.”
Gail sê sy is op haar gelukkigste wanneer sy omring word deur
Afrikaanssprekende mense wat haar liefde vir musiek deel.
“Dis hoekom ek so versot is op die drie kykNET-kanale,” sê
sy. “Dis ’n toonvenster van Suid-Afrika en wys vir die res van die
land hoeveel talent ons in die land het.”
Ook op Facebook wys Gail waar haar ondersteuning lê.
“Thanks for DStv channel 146 for the music. What amazing
talent in South Africa. The angels are r ight here,” het sy onlangs
geskryf. En dan is sy lief om haar boodskappe af te sluit met:
“Love and sunshine always”.
JUNIE 2017 | kykNET
29