#ontbytsake
Oor pa-wees
en knoffelslakke
Jare gelede het Jan Harm Schutte by M-Net se kantoor
ingestap en gesê hy soek werk. Vandag is hy ’n senior
vervaardiger by SuperSport en een van die gewilde aanbieders
van Ontbytsake. Hy deel van sy gunstelinge met ons.
W
at maak pa-wees vir jou
lekker?
Wanneer my jongste, Chloe,
soos ’n mal haas aangehardloop kom om
soene uit te deel as ek ná ’n dag se werk
by die huis kom. As Emma op my skoot
sit en televisie kyk. As my kinders uit die
bloute vir my sê hoe lief hulle vir my is.
(Hulle is nog nie tieners nie!) Om saam
vakansie te hou. Saam vis te vang. Saam
diere te soek. Alles. Behalwe dalk elke nou
en dan se geneul. Maar verder alles!
Wat is die beste raad wat jy by jou eie
pa gekry het?
Hy het altyd oor ete sy mes en vurk
neergesit, teruggeleun in sy stoel en gesê
’n mens moet altyd ’n bietjie stop om net
die ete en geselskap te geniet. Ek dink dit
is nogal van toepassing op alle aspekte van
’n mens se lewe.
Jou gunsteling-Ontbytsake-oomblikke?
Dit gaan gepaard met die wonderlike
gaste wat ek al ontmoet het – inspirerende
mense soos Hein Wagner, Brand Preto-
rius, Theuns Stofberg en Sheri Brynard,
om enkeles te noem. Ook die lekker
geklets agter die skerms by Renette se
kombuis, met Willem as die skinker.
En vir jou die snaaksste oomblik op
Onbytsake?
12
Dis gelykop tussen die program waar
Leon Schuster vir Dawie met die hout-
lepeltruuk uitgevang het, en die dag toe
Dowwe Dolla vir Dawie so rooi soos
’n tamatie laat bloos het met haar verto
ning van die “kameeltoon”.
Wat is die grootste sportoomblik wat
jy al beleef het?
Ek en my pa het in 1992 die heel eerste
rugbytoets ná die isolasietydperk saam
op Ellispark gaan kyk. Hoewel die All
Blacks die Springbokke geklop het, was
dit ’n onvergeetlike dag, veral toe Danie
Gerber onder die pale gaan druk het.
Oosthuizen en my pa 18 putjies gholf
op Augusta speel.
• Drie maande lank deur Suider-Afrika
toer saam met my vrou.
• ’n Nuwe taal leer. Tans is ek besig
met Italiaans.
Jan Harm se gunstelingfoto:
Saam met hom is sy vrou,
Kim, en twee dogters, klein
Chloe op haar pa se skouers
en Emma in die middel.
Wat is die lekkerste bord kos wat jy al
geëet het?
Daar is ’n restaurant in Dullstroom,
Mrs Simpson’s, wat die lekkerste voor
gereg maak: vet slakke in ’n knoffel-en-
gorgonzolasous. Ek en my vrou, Kim,
trek jaarliks op om daar te gaan eet.
Gunstelingreisbestemming?
Ek kan die een of ander eksotiese bestem-
ming noem, maar my wederhelfte sal weet
ek jok, want daar is net een bestemming
boaan my lys: die Krugerwildtuin. Plak
my neer in ’n safaritent in Onder-Sabie of
’n hutjie in Olifants en jy sal maande niks
van my hoor nie.
Wat is jou gunstelingaanhaling?
“Jy leef net een keer. Lek die bak uit.”
Drie dinge wat jy nog in jou lewe
wil doen...
Gaan kyk hoe
Leon Schuster vir
Dawie gefnuik
het by kyknet.
dstv.com/video/
ontbytsake-
lepelspeletjie
• In ’n vierbal saam met Ernie Els, Louis
Ontbytsake Saterdae om 07:30 op kykNET, kanaal 144
kykNET | JUNIE 2017
HUUR DIE BESTE
EN NUUTSTE
BLOCKBUSTER
FILMS UIT DIE GEMAK
VAN JOU HUIS
HUUR NOU
Beskibaar vir alle DStv kliёnte met ‘n DStv Explora of ‘n HD PVR Dekodeerder.