#rubriek
Só raak
jy verlief
op Suid-
Afrikaners
Haar pa was Duits, haar ma Portugees.
Maar die bekroonde joernalis en skrywer
Marianne Thamm werk in Engels, praat
vlot Afrikaans en is lief vir haar land en
ál sy mense.
D
34
aar is net een manier om ver-
lief te raak op Suid-Afrikaners
in hulle volle uiteenlopende
glorie: deur werklikheids
programme op TV te kyk.
Vir my is dit ’n skuldige plesiertjie,
’n laatnagversnapering wat vir my ’n ven-
ster oopmaak op die lewe van landge-
note wat ek nooit in my gewone lewe
sal teëkom nie. Van Somizi se Living the
Dream en Hannon Bothma se Glam Guru
tot Boer Soek ’n Vrou, Gogglebox, Date My
Family, Sprokiesbruilof en Flori en Koel
soem se Kosse, om maar enkeles te noem.
Dié programme neem my direk na die
hart van my land.
Op die oppervlak lyk dit of ons in
’n verdeelde land woon. Natuurlik wil ons
almal oor die weg kom, maar hoe sal ons
dit regkry as ons so min van mekaar ver-
staan? Ons moet weet hoe ander mense
dinge doen, watter waardes ons deel (of
nie) en kan sien ons het almal ’n sin vir
humor in gemeen.
My eerste kennismaking met Suid-
Afrikaanse werklikheids-TV was Khum
bul’ekhaya, ’n program oor die hereniging
kykNET | JULIE 2017
van familielede wat vervreem geraak
het, jare lank vermis was of kontak ver-
loor het as gevolg va n die bulte wat die
lewe oor ’n mens se pad laat kom. Deur
Khumbul’ekhaya het ek geleer oor watter
diep put van wysheid en openhartigheid
Suid-Afrikaners beskik, al is soveel van
hulle uiteen geruk weens die land se ges-
kiedenis. Die aanbieder, Andile Gaelisiwe,
het die land deurkruis en gesels met
mense wat haar hulp vra in hulle soeke
na heling en vergifnis. Van die stories wat
in elke week se episode van 48 minute
gewys is, het my diep nederig gelaat. Ek
het geleer watter belangrike rol die kul-
turele rituele in die gemoedstoestand van
my mede-Suid-Afrikaners speel en hoe
dit mense se siening van hulleself en die
wêreld om hulle bepaal.
Met Boer Soek ’n Vrou kon ek nie wág
vir elke nuwe episode nie. Dit het my na
die platteland geneem en vir my ’n kykie
gegee op boere en boerdery wat van my
vooropgestelde idees verpletter het; dit het
my gewys wat dit beteken om ’n moderne
boer in ’n moderne wêreld te wees en
hoe moeilik dit is om die regte maat te
ontmoet as jy elke dag net tussen koeie is.
Om die vriende en familie van elke boer te
ontmoet het my blootgestel aan die fami-
lienetwerke wat die maatskaplike lewe in
Suid-Afrika ondersteun en onderhou.
Dieselfde geld vir Date My Family
waar ons kan deel in die gemeenskaplike
waardes wat so baie van ons in ons ver-
houdings soek. Gogglebox South Africa,
gegrond op die bekroonde Britse reeks,
het my na die sitkamers van Suid-Afri-
kaners geneem terwyl hulle TV kyk en
kommentaar lewer. My gunstelinge was
Eslina en Mirriam, twee gogo’s (oumas)
wat sedert hulle kinderdae vriende is.
Hulle het skreeusnaakse en gereeld baie
wyse kommentaar gelewer oor ’n ver-
skeidenheid van programme wat hulle
gekyk het terwyl ons húlle dophou.
Wat al hierdie werklikheidsreekse vir
ons wys, is dat Suid-Afrikaners sonder
politici soveel meer in gemeen het as
net hierdie pragtige stuk aarde aan die
suidpunt van Afrika. Ons het dieselfde
sin vir humor, ons is sag, liefdevol, ver
gewensgesind... en eintlik streef ons
almal na dieselfde dinge.