#hadidas
Voel vir ’n voël
’n Kort maandelikse rubriek oor die irritasies in die
lewe en hoe ’n mens dit oorkom.
D
Deur Pierre Breytenbach
aar’s bittermin hadidas van die lewe wat my deesdae
nog rooigesig maak. Rasdebatte op sosiale media,
Springbokrugby, die petrolprys, ja. Maar ook nie
skarlakenrooi nie, net so effe van ’n rouge. Ek hou my
darem meestal in. Tog maak die ware hadidas van die lewe my
onmenslik die hel in. Die regte ding. Bostrychia hagedash. Vir
hulle raak ek rooi. Propper rooi, soos daai neonlig wat bo-op die
dak sit by Stormvoëlweg se Teazers.
Dis nie dat ek voëls verpes nie. Inteendeel. Ek sit al die laaste
twee somers en kyk hoe ’n wewer in die papierbas voor my
kamervenster probeer nesmaak. Gretige bouertjie, maar nie die
slimste kuiken uit die broeisel nie. Elke somer bou hy omtrent
agt skewe nessies. Die buurt se wewermeisies hou nie veel van sy
weefwerk nie. Nes hy dink dis nou sulke tyd, breek hulle die goed
af. Foeitog, dat die drang om te teel ’n voël so kan opwerk. Pre
toria-Oos se wewermeisies. Hardegat.
’n Hadida maak my gesig dieprooi. EFF-rooi! Kyk, ek weet so
te sê alles oor die ding; moenie vir my probeer klasgee nie. Lang
lewe, monogamisties, endemies, en boonop wonderlik vir jou
grasperk. Vreet al wat pesgogga en kommandowurm is, belug
#WieIsEk?
Wie is ek?
Weet jy wie se babafoto’s is dié?
Hier is ’n paar wenke.
• Sy het op Estcourt, KwaZulu-Natal,
grootgeword en in Bloemfontein gestudeer.
• Ná haar studie het sy agtien maande lank
in Londen gewoon.
• Die naam van die karakter wat haar bekend
gemaak het, is Katryn Bekker.
32
• Sy werk voor én agter die kameras op een
van kykNET se gewildste programme.
Kyk op bl. 33 wat die antwoord is.
kykNET | JULIE 2017
die grond met hulle lang snawels, ensomeer, ensomeer. Ja, ek
verstaan, maar hadidas (soos my tienerdogters) kom met issues.
Wanneer jou twee jack russells dit regkry om drie groot
sakke hondepille per week uit hulle Eezi-Feeder te eet – want
hulle eet al lankal nie meer alleen nie –raak die oortrokke fasili
teit op jou kredietkaart met elke week se groceries ál groter.
Wanneer jou gesin Sondagoggend in die kar klim, en jy staan
met jou mooi klere aan, besig om ’n konglomerasie van blertse
van jou voorruit af te was, hang jou vuil das heeloggend hier
onder jou neus.
Wanneer ’n swerm om 04:15 in die oggend op die nok kom
sit en hulle hart uitskree, lê jy wakker en wonder of jy weer
vandag op stel aan die slaap gaan raak, want jy’t tot halfeen
nog gesit en woorde leer, en dis vandag ’n 12 uur-werkdag by
Die Sepie.
Op sulke oomblike is hadidas die grootste verpesting op die
planeet. Niks kan daarby kers vashou nie! Niks! Wel, behalwe
miskien ’n mayna. Ek weet die departement van omgewing-
sake het hulle genaturaliseer, en noem hulle nou die “Indiese
spreeu”, maar ek kan dit net nie oor my lippe kry nie. Nee.