Kozan Magazine گۆڤاری كۆزان | Page 27
زەنگیانە شیعر
گەر بگەڕێمەوە
ڕۆژگاری هەراشی و جوانیی،
بە جۆرێكی تر عاشق دەبم،
چاوشاركێ لەگەڵ دار و بەرد و دیواریش دەكەم..
عەشق لەگەڵ چەمی وشك و
دارستانی سووتاو و
ڕەشانگترین بناریش دەكەم..
**
بە بۆنی پرچت دەتناسمەوە،
ئەرێ ئێستاش پرچت،
چەمی عەترانە؟!
***
دوو ڕووبار سەریان هەڵگرت،
یەكەمیان ژنێك بە ڕووتی خۆی تیا هەڵژەنی،
دووەمیان،
مەرگی ژنێكی ئەوینداری لە هەمێزگرت..
كە پێكگەیشتنەوە،
یەكەم بۆنی عەشق و،
دووەمیان بۆنی زام و برینی لێدەهات!!
****
دەترسم،
بێی و بگەڕێیەوە،
ماڵەكەم بچووكە و،
بەشی ئەو عەشقە گەورەیەمان ناكا!!
***
شكانی دڵ،
لە لەتبوونی مانگ گەورەترە،
دەمێكە دڵم ورد بووە،
هەتا ئێستاش،
زایەڵە و زرینگەی دێ،
پێویست بە گوێگرتن ناكا،
شكان، سەرەتا