Kozan 2.pdf Jun. 2014 | Page 33
بڵێسش گەاڵ و گوڵ دەگرێت
ه
نەوزاد ڕەفعەت
كۆزان
كلتور و زمان
هێی...!! ئەمشەو زۆربا لەمندا بەرجەستەیە
لەمندا زیندووبووەتەوە ڕۆحی زۆربا
منم پاشای مەستی و وەفا
لە گشت پەپوولە گەنجەكان شێتانەتر
سەما بۆ گوڵی تاقانەی عیشق دەكەم
ئەو ڕوخسارە لۆچاوییە
دەمامكێكی نەفرەتاویی زەمانەیە و
بەزۆرداری بە سیمامەوە لكاوە
دەنا هەڵی بدەیتەوە
گغەگغی زارۆكێكی زارشیراوی دەبیسییەوە
مانگی دەموچاوی یووسف دەبینییەوە
دەبینیت وا پشت بەستەڵەكی لۆچەكان
پڕ كولیلكی هەرزەكارن
بن خەزەڵە سیسەكانی ژیانی پووچ
خڕ ئاڵەكۆكی دڵدارن
ژێر هەوری سپیی ئەم پرچە ئاڵۆزكاوە
تژی شەوی شەوق و پرشنگی ئەستێرەی
شەوگەڕی تازە باڵقن
بڵێ: ((بڕۆ..))
بزانە چۆن لە هەر كوێ بم
لە هەر تاقێك هەڵكورمابم
كۆترانە.. لە با تیژتر...
ڕێگای ئاسمان و زەمینت دەگرمەوە
بەسەر چڵەگوڵدارەكانی سەرتەوە دەفڕمەوە و
لە دەوری بااڵت دەگەڕێم
شەق.. شەق.. شەق.. شەق...
لە لێواری زەمزەمی میهر و سەفاتدا دەنیشمەوە و
قلەگەنمە خووساوەكانی ناو لەپت
بێ تێربوون هەڵدەگرمەوە
بڵێ ((مەمپەرستە)) هەتا...
هەتاو بێت یان شەختە و بۆران
لەو بەڕیایە.. عابیدانە بەدەورتدا چەرخ بدەم
ژماره (2) هاوينى 4102
بە یەك قومە ئاوی گۆزەی جیلوەكانت و
یەك لەتە كولێرەی ژوانت.. تێرتێر بژیم
بڵێ: ((ئاوابە. ئاوابە..))
تا ئاورینگی بەخشندەییم
پەنجەرە و پەنجەت ئاوبدات
بڵێ: ((دە لێم دووربكەوە..))
بڵێ: ((ئەو دڵە عەوداڵە دامركێنە...))
تا بڵێسەی حاڵ و فەنا
خوناو و گەاڵ و گوڵ بگرێت
خۆم نەمزانی
خۆ غەیبگۆ و جادووگەریش
لێم پرسین هەر نەیانزانی
(ئەگەر بەهەشتیت بۆ تێتدا هەڵدەقرچێم؟!
ئەگەر بەهاریت بۆ دڵم خەزەاڵنە هەڵدەوەرێت؟!
ئەگەر گزنگیت بۆ هێشتا شەوەزەنگم؟!
ئەگەر ڕووباریت بۆ هێندە وشك و تینووم؟!
ئەگەر هێالنەیت بۆ وێڵ و سەرگەردانم؟!
ئەگەر كۆرپەتم بۆ برسیم؟!
ئەگەر ئاسمانیت بۆ قەفەس بلبلەكانم دەكوژێت؟!
ئەگەر گەمە و پێكەنینیت بۆ گەمارۆدان دەمنێژێت؟!
ئەگەر نزیكیت بۆ دووریت؟!
ئەگەر دووریت بۆ نزیكیت؟!
ئەگەر هەنگوینیت بۆ بوونم ڕەش و تاڵە؟!
ئەگەر هەتوان و دەرمانیت بۆ هەموو ناخم برینە؟!
ئەگەر كزەبایت بۆ ڕۆحم لە ڕەگەوە هەڵدەكێشیت؟!)
بەحەیرانی گەردنت بم
بۆ كوێ دووربكەومەوە كوێ؟!
ئێستاش خەم بۆ ئەو كۆلالرە بڵندانەی
خۆم دەخۆم كە داویان پسا و منداڵی تر گرتیاننەوە
ئێستاش.. ئێستاش...
ئەو جووجەڵە ڕەنگینانەم بیرناچنەوە
كە هەر ئەوەندە لە چاوم دووركەوتنەوە
82