Պլաստիկ եւ էլեկտրոնային աղբի վերամշակման կենտրոն Դիլիջանում
Հեղինակ ՝ Մարինե Աբրահամյան
2016 թվականից Դիլիջանում գործում է էլեկտրոնային թափոնների եւ պլաստիկ շշերի վերամշակման ձեռնարկությունը ՝ « Ռե-Ապագա » ն ՝ Իմպուլս գործարանի տարածքում ։ Հիմնադիներն են ՝ Միխայիլ Զամսկոյը Ռուսաստանից և Սեդրիկ Սոլմսը Գերմանիայից , ովքեր հանդիսանում են UWC ( United World Colleges ) Դիլիջանի շրջանավարտներ ։ Երիտասարդները դեռ քոլեջը չավարտած ձեռնամուխ եղան այս նախաձեռնությանը , որի մասին ավելի մանրամասն պատմեցին մեզ հետ զրույցում :
-Հայաստան ոտք դրած առաջին իսկ օրվանից տպավորությունները միայն դրական են : Բնությունը գեղեցիկ է , իսկ մարդիկ ՝ անսահման բարի : UWC Դիլիջանում սովորելու տարիներին մենք հաճախ էինք գնում լեռնամագլցման , տարատեսակ արշավների դեպի բնության գիրկ և բազմիցս նկատում էինք աղբակույտեր , որոնք խեղաթյուրում էին ողջ բնապատկերը : Ուստի որոշեցինք որևէ լավ գործ անել , և մեր մտքում ծագեց այս գաղափարը : Այժմ մենք հավաքագրում և վերմշակման որոշակի գործողություններ ենք կազմակերպում էլեկտրոնային
թափոնների և պլաստիկ շշերի ուղղությամբ : Սրանք աղբի ամենաթունավոր տեսակներն են , որոնք նաև արժեքավոր են : Օրիկան ՝ էլեկտրոնային թափոնները պարունակում են ազնիվ և ոչ ազնիվ մետաղների որոշակի քանակություն , որոնք վերամշակման արդյունքում երկրորդ կյանք են ստանում : Պլաստիկ շշերը մեր գործարանում մանրացվում ,
փաթեթավորվում և ուղարկվում են հետագա մշակման : Իհարկե մենք ինքներս կցանկանայինք իրագործել վերամշակման բոլոր փուլերը , սակայն համապատասխան սարքավորումների բացակայության պատճառով ներկայումս դա անիրագործելի է , - պատմեցին տղաները :
-Ի ՞ նչ պլաններ կան հետագայում ձեր նախագիծը ավելի հաջողակ դարձնելու համար :
-Մենք նախատեսում ենք այստեղ ստեղծել կրթական կենտրոն , որի շրջանակներում կկազմակերպվեն բազմաթիվ դասընթացներ : Դասընթացները կլինեն պլաստիկ նյութերին և էլեկտրոնային աղբին երկրորդ կյանք հաղորդելու հնարավոր ուղիների վերաբերյալ : Դասընթացի մասնակիցները
նաև կծանոթանան բոլոր այն մեթոդներին , որոնք կիրառելով կարող են պահպանել բնությունը և նաև օգուտ քաղել դրանից : Ցանկանում ենք նաև ընդլայնել մեր գործունեության շրջանակները և թափոններ հավաքագրել ոչ միայն Տավուշի մարզից , այլ նաև հանրապետության մյուս բնակավայրերից , - պատմում է Միշան :
-Մեր հետագա գործողությունների մեջ է մտնում նաև հեռախոսային հավելվածի ստեղծումը , որի միջոցով մեր ծրագիրը ավելի ճանաչելի կլինի : Մարդիկ կկարողանան այդ հավելվածի միջոցով տեղեկացնել համապատասխան աղբի առկայության մասին և բնականաբար կունենան իրենց ներդրումը , իսկ դրա փոխարեն կստանան կուտակային միավորներ : Այս ծրագրերը դեռևս մշակման փուլում են , ուստի հստակ տեղեկատվություն դեռևս չկա ։ Վերջում նշենք , որ մենք համագործակցում ենք բազմաթիվ կազմակերպությունների հետ ինչպիսիք են Դիլիջանի համայնքային կենտրոնը , Հայաստանի ամերիկյան համալսարանը , Կենտրոնական բանկը , UWC Dilijan քոլեջը և այլն , - հավելեց Սեդրիկը :
Պահպանե ' նք բնությունը և լինե ' նք արժանապատիվ քաղաքացիներ :
7