No bira katibu di marka
Bo no ta obligá di keda usa e mesun markanan di kustumber. Buska variashon i kompará smak i kalidat di produktonan. Hasi bo mes e pregunta si bo marka di kustumber ta duna bo e satisfakshon nesesario. Markanan konosí por lo general sa ta mas karu, pero no nesesariamente di mihó kalidat. Bo sa tambe ku tin fábrika ku ta traha diferente empake i marka pa e mesun produkto? Kada un ku un preis?
De bes en kuando purba markanan ménos konosí òf produktonan konosí komo marka di kas (huismerk). Lo bo keda sorprendí di mira kuantu sèn bo por spar i tòch disfrutá di un produkto na bo smak.
E ta kuminsá kasi semper ku un glas di biña banda di kuminda, i promé ku bo sa, e ta bira un bòter pa dia.
Último añanan investigadónan a nota ku uso eksesivo di alkohòl bou di adultonan mayó ta subiendo. Un investigashon hasi na Ulanda na aña 2012 ta indiká ku mas ku un kuart di esnan ku problema ku bebementu ku a buska yudansa profeshonal, tabata adultonan di 55 aña òf mas. Si bo ta rekonosé bo mes den e statistiknan aki, mihó bo buska yudansa promé ku ta lat.
Aserka bo dòkter di kas. E por resetá bo medikamentunan pa kita e smak pa un “beter” òf e por referíbo pa organisashonnan manera FMA òf AA ku ta brinda ayudo na esnan ku tin un òf otro adikshon. Un beter di mas, por hinkabo den hopi problema ku salu i ta suak bo pòtmòni, sin ku bo mes ta ripará. Salút! Pero na midi..
Kumpra
sabÍ
Un beter mas, por fabor!
DEN CHIKÍ