IMPOSIBEL
atendé ku bo debe
Sra Alcalá-Wallé, kon e promé kontakto a tuma lugá te ku por bisa aworakí ku señora ta esun ku práktikamente ta e aanspreekpunt, bosero i tambe intermediario den e problemátika aki?
Tempu ku mi tabata polítiko i nos tabata den parlamentu, un grupo di eks studiantenan ku tin problema di pago bèk di debe di estudio na Hulanda, a aserkámi pa wak kon ami of nos parlamentu por yuda den e problemátika aki, mirando e kondishonnan humano ku mayoria eks studiante ta konfrontando kuné. Entre otro e debe i sistema di kobransa ta muchu pisá, sigur si mester paga esaki saliendo for di e punto di bista di florin ku no ta mes fuerte ku e euro. Tambe e falta di komunikashon pa yega na informashon tokante e debe pa hopi ta un kaminda di krus ketu bai. Esei tabata p’ami e promé stap pa profundisá den e materia aki i wak te kon leu nos por yuda nos studiantenan. Lagami enfatisá ku tur kier paga nan debe di estudio, esei ta for di diskushon, pero ta e manera kon e sistema ta hinká den otro ta tresiendo hopi problema pa hopi di esnan ku ta den e situashon aki. Bo tin bo trabou (na florin), bo tin bo bida, famia i riba dje bo tin un debe grandi na euro ku bo tin di wak kon bo ta paga esaki for di bo salario na florin.. E kos aki por hinka kualke hende den desesperashon ekonómiko, finansiero i soshal si bo no sa presis unda pa kuminsá..
Den nos edishon di e luna aki Fundashon pa Konsumidó ta para ketu na e problemátika di debe di estudio ku eks studiantenan ta konfrontá kuné nan momentu ku nan kaba òf stòp un estudio na Hulanda. Un problema ku ta afektando un grupo grandi di nos komunidat profeshonal di Kòrsou. Pa esaki nos a hiba un kombersashon hopi interesante ku señora Marilyn Alcalá-Wallé di Marilyn Alcalá-Wallé Foundation, un fundashon ku tin komo meta duna suport na famia i muchanan den nesesidat.
Nos kier gradisí Señora Alcalá-Wallé for di aki pa su kontribushon na e tópiko interesante aki ku ta toka hopi di nos konsumidónan ku a studia na Hulanda.
Entrevista ku Marilyn Alcalá-Wallé
di estudio NA TEMPU