Konsumidó Alertá Volumen 8, yüni - yüli 2014 | Page 14

"Maecenas ipsum purus ultricies ut hendrerit ac, imperdiet et lectus.Nula facilisi."

derechi riba

Komo ku kuminsamentu di ougùstùs un aña eskolar nobo ta kuminsá, nos a disidí di pone atenshon na enseñansa i su status den lei i tratadonan internashonal.

Segun UNICEF bon enseñansa ta e yabi pa desaroyo di un mucha i tambe pa komunidat.

Nelson Mandela a bisa lo siguiente tokante enseñansa:

Ta bon pa nos kuminsá na bisa ku enseñansa no solamente ta un privilegio, pero e ta un derechi. Kada mucha tin derechi riba enseñansa. E derechi riba enseñansa entre otro ta wòrdu formulá den artíkulo 28 di e Tratado Internashonal di Derechinan di Mucha. Segun e artíkulo aki, enseñansa básiko mester ta grátis i obligatorio pa tur mucha. Pa loke ta trata enseñansa avansá i enseñansa di fishi, gobièrnu mester sòru pa esakinan ta aksesibel pa tur mucha di akuerdo ku e mucha su nivel di siñamentu. Tambe gobièrnu mester tuma akshon for di trempan pa evitá e fenómeno di dropout. Pa loke ta trata disiplina di muchanan na skol, esaki tin ku sosodé ku rèspèt pa dignidat humano i e derechinan di e mucha.

Kòrsou na aña 2012 a introdusí enseñansa grátis. Enseñansa na Kòrsou no solamente ta grátis, pero tambe obligatorio pa tur mucha. E lei ku ta imponé e obligashon pa bai skol na tur mucha ta e ‘Leerplichtlandsverordening’ ku a wòrdu introdusí na aña 1991.

Kua muchanan tin e obligashon pa bai skol?

Tur mucha di 4 aña te ku 18 aña, ku eksepshon di e muchanan ku promé ku nan a hasi 18 aña a logra di haña nan diploma di beroepsvoorbereidend onderwijs (b.v.o.) variante B òf D, un diploma di voorbereidend secundair beroeps-onderwijs (V.S.B.O.) sea den e trayekto di enseñansa basá riba teoria òf e trayekto di enseñansa basá riba práktika, middelbaar algemeen voortgezet onderwijs (m.a.v.o.), hoger algemeen voortgezet onderwijs (h.a.v.o.), voorbereidend wetenschappelijk onderwijs (v.w.o.), òf un otro diploma pa un estudio ku Minister ta rekonosé i a apuntá komo igual, mester bai skol.

DERECHI I DEBER

enseÑansa

“Education is the most powerful weapon you can use to change the world.”