Kon pa krea un kontraseña
Un kontraseña ta algu ku abo ta skohe. E por konsistí di lo siguiente:
- lèternan di álfabèt;
- un kombinashon di lèternan di álfabèt i number i
símbolo;
- un kombinashon di Lèternan chikí I lèternan Grandi.
Bo kontraseña mester ta ‘fuerte’. Esaki ta nifiká e mester ta difísil pa un hende rei esaki dus e mester ta kompleho. Di siguiente manera por hasi un kontraseña fuerte:
- uza kombinashon di palabra i number i símbolonan;
- hasi e kontraseña largu, awendia 14 te 16 karakter òf
un linea kompletu ta posibel;
- No uza nòmbernan fásil manera Brenda, Rosa óf Bob;
- No uza nòmber di bo famia òf bestianan, ku hende
por pensa abo ta uza.
Un ehèmpel di un palabra klave ‘fuerte’ ta:
BA23koas#$Beu!
Aki ta sigui un ehèmpel kon por uza henter un liña, si e sistema te permití
Nos ta pensa un liña, por ehèmpel:
BanPundaMajanAnochi
I nos ta transformá esaki pa hasié ‘fuerte’ dor di kambia lèternan den number i símbolo aki aya
B@nPundaM@1@nAnoch!
Unda nos mester usa kontraseña:
-
-
-
-
Kambia palabra klave regularmente
Kambia kontraseña regularmente, por ehèmpel kada tres luna. Ounke ku bo kòmpiuter no ta indiká pa kambia e kontraseña ta rekomendabel pa kambia esaki tòg. Esaki ta yuda den kaso ku un persona a haña bo palabra klave tòg di un òf otro manera, ora bo kambi’é, bo a kita e akseso no outorisá for di e persona atrobe.
Kódigo di pin (pinkode)
Bo kódigo di pin Pin code tin mesun funshon ku un kontraseña. E reglanan di uso di un kódigo di pin ta meskos ku esnan di un palabra klave. E úniko diferensha ta ku e sistemanan ku ta usa un pinkode ta usa number so i esakinan den mayoria kaso ta 4 posishon largu so. Nos tur konosé pincode awendia dor di nos tarhetanan di banko òf nos telefon selular.