No laga esaki pasa bo
ENIM
IN?
Bon informashon por skapa bo vakashon
Satisfecho ku e informashon ku e la risibí, konsumidó a buk un pasashi ida i buèlta pa Hulanda ku Arke Fly. Dianan ta bai, oranan ta pasa minüt nan ta kore, a yega dia ku konsumidó mester a biaha. Tur kos a kana bon, na airopuerto señora ta chek in sin niun problema.
Pero djis algun minüt promé ku e buelo mester sali, señora ta tende su nòmber wòrdu yamá via di e sistema di altoparlante na airopuerto. Señora a keda straña i sin niun saber a dirigí su mes na e bali di Arke Fly. Aki un representante dje kompania di aviashon Hulandes ta hasié algun pregunta tokante su buelo; por ehèmpel informashon over di su biahe, su pasaporte i tambe su pasashi…Konsumidó a keda asombrá di tantu pregunta asina i ta puntra ta dikon a manda yam’é..I aki konsumidó ta haña e sorpresa desagradabel ku e no por hasi e biahe pasobra e no tin un Visa pa biaha pa Hulanda.
Ni kuantu e splika ku e la hasi informashon i ku na Arke Fly mes a bis’é ku e por biaha pa Hulanda sin un Visa, esaki no tabata posibel ya ku komo estranhero, aunke kasá ku un “Antiano”, pero ku pasaporte estranhero, e no tabatin tur e dokumentunan nesesario pa por a hasi e biahe. Konsekuentemente konsumidó a pèrdè e buelo i ku esei, su sèn tambe.
Dianan despues konsumidó ta aserka Arke Fly pa buska un aklarashon dikon nan a bis’é ku e no mester di Visa i pa ora e yega airopuerto resultá ku tòg e ta mester tin mester di e dokumentu valioso aki. Aki e ta haña di komprondé ku ta E mester a buska informashon mas detayá over di loke nan e tabatin mester.
No konforme ku e kontesta di Arke Fly, konsumidó ta aserka nos fundashon pa intermediashon den su kaso.
IMPOSIBEL