Esaki ta un pregunta ku bo no por kontestá fásil ku un si of un no. No ta rekomendabel pa remplasá fruta fresku ku fruta seku. Pero fruta seku ta un bon pa kome na lugá di mangel.
Dor si seka e fruta tur vitamina C den e fruta ta disparsé. Pero ainda fruta seku tin sufisiente alimento nutritivo aden pa por yam’é saludabel. Fruta seku ta riku na vitamina B1, vitamina B6, heru, kalki i tambe magnesium. Frutanan seku manera preimu i aprikòt ta riku na fibranan.
Hopi fibra
Un bon nutrishon no por sin fibra. Fibra ta sòru pa stimulashon di tripa i tambe ta bon pa bo vianan kardiovaskular. Ta p’esei fruta seku ta un bon rekomendashon. Fruta seku tambe tin un efekto positivo riba kolesteròl den bo kurpa. Esaki dor di e antioksidantenan ku ta protehá e bon kolesteròl (HDL) i ta kontrarestá inflamashon. E peliger mas grandi ku fruta seku por trese kuné ta ku bo por haña buraku den bo djentenan. Fruta seku ta hopi zut i por pega fásil na bo djente. Esaki ta pone ku pidanan chikí por keda pega di plak na boe djentenan i kousa buraku den esakinan.
Pasaboka saludabel
Bo por kome fruta seku dirèkt for di saku. E ta un bon remplaso pa snup (tambe pa mucha). E ta zut, dushi i yená ku vitamina, mineralnan i tambe fibra. Por kome fruta seku tur momento: durante oranan di trabou, den outo, mirando televishon. Kome fruta seku den bo bak’i yògert lo ta un bon i dushi eskoho. Tutttifrutti ta un meks di fruta seku. Dushi pa kome komo pasaboka òf den kombinashon ku meusli pa desayuno. Den diferente plato kayente i tambe den salada por uza fruta seku. Den sur di Europa tin hopi plato ku ta konsistí di frutanan seku.
Aki un bista di kuantu kaloria tin den 100 gram di fruta seku i fresku
Sorto di fruta
Pruimu
Abrikot
Apel
Druif/ rasenchi
Pera
Dadel
Banana
Fruta seku ta un ekselente eskoho?
fruta seku ta saludabel?