Konsumidó Alertá Volumen 7, mei 2014 | Page 12

DERECHI I DEBER

"Maecenas ipsum purus ultricies ut hendrerit ac, imperdiet et lectus.Nula facilisi."

Importansia di Kondishonnan General

Ora bo sera un akuerdo ku un kompania di aviashon pa bula ku nan, e akuerdo aki ta un akuerdo di transporte. Sinembargo, ta bon pa bo ta na altura ku den nos leinan no tin nada spesífikamente reglá pa loke ta trata e akuerdo ku bo ta sera ku un kompania di aviashon. Den nos Kódigo Sivil lo bo no lesa nada tokante bo derechinan si bo buelo por ehèmpel tin retraso òf a wòrdu kanselá.

Pa bo sa kiko tur bo tin ku tene kuenta ku n’e ora bo buk un ticket serka un kompania di aviashon, bo tin ku pasa dor di nan kondishonnan general. Ta di e kondishonnan aki ta dependé por ehèmpel si bo por kambia bo ticket despues ku bo a buk òf si bo tin derechi riba kompensashon den kaso di retraso.

Duna kopia di Kondishonnan General

Kondishonnan general ta un òf mas klóusula poné riba papel ku a wòrdu skibí pa forma parti di diferente (mas ku un) akuerdonan, ku eksepshon di e klóusulanan ku ta indiká e esensia di e akuerdo. E kompania ku ta hasi uso di kondishonnan general mester duna e kliente promé òf na momentu ku sera e akuerdo, su kondishonnan general. Si esaki no ta posibel pa e kompania, e tin ku informá e kliente ku e kliente por haña e kondishonnan general na Kámara di komersio òf na griffie di Korte di promé instansia si nan a wòrdu deponé einan. Tambe e tin ku informá e kliente ku si e kliente ta deseá, e kompania por laga manda e kondishonnan general p’e.

Klóusulanan den kondishonnan general di mayoria kompania di aviashon ku ta bula na Kòrsou

For di wepsait di nos airopuerto nashonal, nos a anotá un lista di e diferente kompania di aviashon ku ta bula for di Kòrsou regularmente pa òf for di Oropa i Nort Amérika, kual ta: American Airlines; Insel Air; ArkeFly; Air Berlin i KLM. E lista aki no ta kontené e kompanianan di aviashon ku solamente sierto temporadanan ta bula pa i for di Kòrsou.

Nos a pasa den e kondishonnan general di e kompanianan di aviashon ariba menshoná i a bin tuma nota di sierto klóusulanan ku ta aparesé den mayoria di e kondishonnan general di e kompanianan di aviashon aki. Nos a pone algun di nan pa asina evitá ku bo ta haña bo ku sorpresa.

1. Dokumentonan nesesario pa e biahe – bo mes ta responsabel

Kada pais tin su mes eksigensianan pa loke ta trata dokumentonan ku e pasahero mester tin huntu ku n’e pa asina ei haña outorisashon pa drenta e pais. Pa sierto paisnan por ehèmpel bo mester di un visa.

Abo mes ta responsabel pa na momentu ku bo tin ku bula ku un kompania di aviashon pa bo tin tur bo dokumentonan nesesario huntu ku bo.

Si bo no tin e dokumentonan nesesario huntu ku bo na momentu ku bo ta bai bula, Insel Air, Air Berlin, ArkeFly i KLM a base di klóusulanan den nan kondishonnan general tin e derechi di nenga bo di tuma parti na e buelo. KLM ta pone tambe bon kla aserká ku den e kaso ei, e no ta responsabel pa pèrdidanan òf gastunan adishonal paso bo no tabata tin bo dokumentonan nesesario huntu ku bo. ArkeFly ta bai un tiki mas leu dor di pone den nan kondishonnan general ku si un trahadó òf agente di ArkeFly a mal informá bo pa loke ta trata e dokumentonan nesesario pa bo por hasi e biahe, e no ta responsabel pa daño i gastunan adishonal ku pa e motibu aki bo ta haña bo konfrontá ku n’e , ku eksepshon di e dado kaso ku ta intenshonalmente bo a wòrdu mal informá.

Temporada di fakansi ta aserkando i hopi di nos ya kaba a kuminsá prepará pa un trep pa Merka, Oropa òf otro partinan di mundu. Ta un temporada dushi, pa rilèks i simplemente disfrutá di bida. Komo ku nos ta biba riba un isla, nos hopi biaha tin ku bula ku avion pa yega nos destinashon.