Konsumidó Alertá Volumen 6, aprel 2014 | Page 9

ferfelu, ku menasa di parti di LS, ku na febrüari 2012 KN ta tuma un kurashi i aserka Banko Sentral pa sa mas di e negoshi di fiamentu di sèn akí. E momentu ei KN a realisá ku e loanshark LS, a gañ’é i a dun’é informashon robes. Ku e informashon aki, konsumidó ta sita LS riba Brionplein pa splik’é ku e kier stòp ku e dil paso ta algu ilegal. Mesora KN a informá LS tambe ku e la pag’é fl. 4.920,00 kaba i no tin pensá na pag’é niun depchi mas. Aki LS ta duna KN di konosé ku ainda e falta fl. 6.300,00 pa kaba di paga. Esaki ta sèn ku KN debe pero tambe sèn di e sobra hendenan ku ta debe sèn via di KN.

Akoso i menasa

Apesar ku LS sa ku e no tin pèrmit di Banko Sentral pa fia sèn, tòg ketu bai LS ta keda pèrsigui KN i su otro debedónan pa nan kumpli ku loke segun e nan deb’é. E situashon a bira dje ferfelu ei ku awor ta bou di menasa i preshon LS ke kobra esnan ku deb’é. Tipo di menasanan ku KN a hañ’é ta konfrontá ta: menasa via SMS, menasa na trabou, preshon ku ta laga pone beslag, preshon ku ta kita su outo for di dje etc etc. Konsekuentemente KN ta entrega un keho kontra di LS na Polis. Ku intervenshon di polis KN ta logra ku e menasanan ta para i pa un tempu KN no ta tende nada mas di LS.

Kaso den Korte

Sorpresivamente na yanüari 2013 konsumidó ta haña un karta di korte ku ta sit’é pa asistí na un kaso den korte ku LS a entamá kontra di dje.

Den korte ámbos partido ta trese nan puntonan dilanti. LS insistiendo ku semper e la trata KN bon i ku KN debe ainda e suma di fl. 6300,00.

KN di su banda ta para firme ku masha dia e la kaba di paga loke e la fia, mas ainda mirando ku LS no tin pèrmit pa kobra niun hende interes dje sistema ku e ta hasiendo esaki. Si tin sèn habri, LS mester ta serka su fiadónan. KN ta reiterá ku semper e la aktua konforme palabrashonnan ku tabatin.

Sentensha di Korte

Korte ta konkluí ku mirando e interes eksorbitante di mas di 1.5% pa luna (18% pa aña) ta en pugna ku moral i bon kondukta, por asumí ku KN a kumpli mas ku sufisiente pa loke ta e debe di fl. 800,00 ku e ta tin serka LS. Korte konsekuentemente ta rechasá e demanda di LS i ta dikta tambe ku LS mester paga tur e gastunan di e proseso inkluso e gastunan ku e konsumidó tabatin pa a bai korte.

práktikanan inhustu di loansharks

NULLA

ID FUSCE