Konsumidó Alertá Volumen 6, aprel 2014 | Page 4

Kumpra sigur via internèt

Kumpra via Internèt den komodidat di kas, último tempu a bira masha popular serka nos konsumidónan. Pero manera den tur kompra i benta, aki tambe kosnan sa bai robes. Si e pedido ku bo a hasi nunka a yega, sèn pagá no ta wòrdu restituí, e produkto defisiente, ken ta drech’é..? Komo konsumidó lástimamente bo no por hasi masha kos ora kos bai robes. P’esei ta mihó prevení.

3 teps pa tene kuenta kuné ora ta kumpra via Internèt:

Kumpra via wèpsaitnan konosí

Chek ku e website ta konta ku sertifikashonnan manera Verisign o Truste, pa bo sa ku esaki ta unu konfiabel, chek tambe kon e ta manehá datonan personal di su usuarionan.

‘Google’ e website

Revisá kon otro usuarionan a kualifiká e website i ki eksperensha nan tabatin ku nan kompra. Esaki ta un bon manera pa bo sa serka ken bo ta kumpra.

Evitá credit card, usa unu pre-paid.

No kore rísikonan finansiero, rekomendabel ta pa usa un ‘prepaid credit card’ kua karchi bo mes ta disidí kuantu sèn bo ta pone riba dje.

6 teps pa tene kuenta kuné ora bo ta drechando bo maleta:

1. Pensa bon kua ta artíkulonan ku echt lo bo bai tin mester

durante bo vakashon.

2. Si bo ta sera un seguro di biahe, lesa bon e parti ku ta

stipulá kiko presis (den bo maleta) e seguro ta kubri.

3. Hinka bo artíkulonan di balor den bo ekipahe di man.

4. Na bo yegada, warda bo kosnan di balor den un kluis.

5. Warda bo komprobantenan di kompra, papel di garantia i

slep di credit card.

6. Si bo bira víktima di un atrako of bo ta tin pèrdida, hasi un

denunsia na e pais kaminda bo ta i warda e kopia di esaki

pa seguro.

Pensando di bai di biahe?

DEN CHIKí

Binager ta algu ku nos tur tin den kas. Hopi ta kushina kuné ya ku e ta duna bo kumindanan un toke diferente. Bo tabata sa ku tin hopi otro manera pa usa binager den bo trabounan di kas di tur dia ya ku e no ta kontené masha supstansha kímiko.

Algun ehèmpel kon pa saka mihó probecho for di e bòter di binager.

E ta mantené bo ambiente fresku

Binager ta bon pa kore ku mal holó. Djis pone un tiki den un pòchi i lag’é para hinter anochi. Mainta ora bo lanta bo ta ripara ku e holó desagradabel a kita.

Onstòp pipanan di kushina òf baño

Pa bo onstòp pipanan di kushina òf baño ku a verstòp . E téknika aki ta safe i ta mas barata i ménos peligroso ku es métodonan kímiko. Ku un “trègter” basha mitar beker di bikarbonato di sodio y un beker di binager. Ora e skuma ku a forma kuminsá baha poko, spula e pipanan ku awa un ratu i lo bo ripara ku e awa ta kore muchu mas fásil.

Limpia bo kòmpiuter

Pa kita stof i protehá e kurpa di bo kòmpiuter, traha un meskla di 50% binager i 50% awa. Muha e paña ku e líkido aki, sakudié bon i pasa esaki riba bo kòmpiuter. E ta kita tur stof i mancha mesora.

Ideal pa limpia bo frishidèr

Esaki ta un di e usonan mas konosí di binager. Traha un loshon di mitar binager blanku i mitar awa i usa esaki pa limpia tantu paden komo pafó di bo eiskast. Pa limpia e hukinan paden, usa binager puru pa evitá “schimmel”.

Pa limpia bòter di glas

Hopi di nos ta warda bòternan di djèm i mayonès pa usa nan despues. Pa laga esakinan limpi limpi basha den partinan igual, binager i awa di habon den e bòter, i laga esaki para pa mas o ménos 15 minüt. Despues sakudié bon i hawa esaki. E meskla aki ta bon tambe pa bòternan ku ta difísil pa limpia paden.

Saka mancha di tapeit

Bo tapeit a shusha? Muchanan a laga stropi basha riba dje? Aktua mesora dor di pasa un paña ku poko binager riba e mancha i laga esaki para pa 10 minüt. Finalmente seka e binager ku un paña limpi pa saka eventual líkido for dje tapeit.

Limpia i desinfektá wc

Limpia bo baño i eliminá holónan desagradabel ku e téknika aki. Basha dos kòpi di binager blanku den e tanki di awa i lag’é para hinter anochi. Su manisé bo ta flùsh e wc. Ripití esaki maske ta un bes pa siman i lo bo ripara ku e ta saka tur mancha for di bo wc.

SAKA MAS PROBECHO DI BINAGER