• Lesa bo kontrakt bon i wak kua ta e tasa di interes i si
esaki ta e tasa di interes mensual òf si ta un tasa di
interes anual.
• Kompará e tasa di interes anual ku bo tin ku paga riba
bo fiansa ku e tasa di interes máksimo ku korte ta
stipulá, kual ta 18%. Si e ta muchu mas haltu, no
kuminsá na e fiansa ei mes.
• Wak bon kua ta e kondishonnan stipulá den e
kontrakt ku bo ta mara bo mes na dje. Wak por
ehèmpel kua ta e último fecha tur luna pa paga pa
asina evitá ku bo ta paga lat i bo ta haña bo ta paga
èkstra interes. Por tin kompanianan òf personanan ku
ta fia plaka ku ta pone e último fecha di pago por
ehèmpel dia 20, un dia ku bo no a kobra ainda ya
asina tur luna nan por kobra bo èkstra interes.
• Semper pidi un kopia di bo kontrakt serka e persona
òf kompania kaminda bo a fia. Nos ta na altura ku tin
sierto persona- i kompanianan ku ta fia ku no ke duna
e konsumidó un kopia di nan kontrakt. No fia nunka
serka e persona- òf kompanianan aki.
• Tambe pidi un faktura ora bo paga;
bo tin derechi riba dje.
• Hasi un investigashon chikí di e persona- òf
establesimentu ku bo ta pensa di fia serka dje promé
ku bo komprometé bo mes dor di bai hasi un fiansa.
Wak kon otronan su eksperensia ta; esei hopi biaha ta
duna bo un bon bista si ta ku chatiger òf personanan
konfiabel e persona- òf establesimentu kaminda bo ke
bai hasi un fiansa ta.
E mihó tep ku nos por duna na nos konsumidónan ta pa bo spar pa asina si algu pasa bo no tin ku bai fia i haña bo den debe ku hopi mas doló di kabes ku lo bo a spera.
Un lei ku ta stipulá un tasa di interes máksimo riba fiansanan na konsumidónan, sigur ta algu ku Fundashon pa Konsumidó ta boga p'é. Mester bin un paro na e "free for all" ku tin ta bai rònt den e sektor di fiamentu di plaka. Hopi di nos no ta realisá kuantu hende tin den debe paso 1 biaha nan a disidí di fia un suma, ounke ku ta un suma di ménos ku fl. 1000,- na un di kompanianan òf serka e personanan ku ta fia sèn i hamas a kaba di paga bek. Añanan a pasa i ainda nan ta pagando ketu bai!
Promé ku bo fia
Fundashon pa Konsumidó ke alertá nos konsumidónan pa nan sea alerta ora di hasimentu di fiansa, sigur si no ta na un banko. Algun tep pa nos konsumidónan:
Interes máksimo riba fiansa