Miedu, preokupashon y strès ta reakshonnan normal den momentonan den kua nos ta enfrentá insertidumbre, algu deskonosí, situashonnan di kambionan òf krísis. Den e tempunan aki ku covid 19, e sentimentunan aki ta mas ku normal i komprensibel pa tur hende.
E temor di kontraé e vírus tin hopi hende ariba bou,pero den mesun rosea tin algun ku ta bagatelisá e impakto di e vírus, loke ta pone ku tin hende no sa kiko nan mester kere, loke tambe ta pone un peso riba e salu mental di e ser humano.
Mester mira tambe e impakto di e medidanan ku a tuma, pa kontené y frena propagashon de vírus e kousa. Hopi hende a haña nan den situashonnan ekonómiko I finansiero penoso, otronan mester a hasi kambia I trese limitashonnan den nan bida diario. E realidat di e distanshamentu físiko, traha for di kas, muchanan ku ta mas tantu tempu na kas, y prinsipalmente e falta di kontakto físiko ku bo sernan kerí i amigunan, tur ta situashonnan ku fásilmente por desbalansá un persona, un kas di famia i un sosiedat kompletu. P’esei den e temporada di Covid aki, ku hopi ta bisa no ta bai por lo pronto, ta importante pa kada un di nos kuida tantu nos salu físiko komo mental.
Medida nan di outoprevenshon.
Medidanan di outoprevenshon ta bon pa bo salu físiko i mental, i por yudabo tin kontròl di bo bida. Kuida bo kurpa i mente i keda konektá ku otro hende sigur ta yuda pa pasa e temporada difísil aki.
Paga atenshon na bo salu físiko:
Drumi sufisiente. Drumi i lanta na mesun orario tur dia ta trese un balanse i rutina den bo bida. Práktika orario normal, aunke si bo ta na kas of ta trahando for di kas. Hasi aktividatnan físiko ku regularidat. Aktividat físiko i gemnastik ta yuda redusí
ansiedat i ta mehorá bo animo. Hasi
aktividatnan ku ta inkluí moveshon,
baile, mas tantu posibel den
aire liber ya asina bo por
mantené e distansha
sosial.
Un menasa pa nos salú mental?
'Coronavirus'