DEN CHIKí
DEN CHIKí
Mi kompania di seguro a avisámi ku si mi mester cliam un biaha mas, nan lo subi mi premi of asta tin chèns di sakami for di e seguro ya ku den e lastu 5 añanan na numeroso okashon mi a hayami den un aksidente I a claim konforme mi pólisa. Pregunta: Seguro por hasi esaki?
Kontesta: Un kompania di seguro, ora e ta nota ku un konsumidó ta claim hopi, por subi e premi, baha e nivel di kobertura òf te asta kanselá bo seguro. Esaki pasobra e rísiko ku den futuro lo tin dañonan ta muchu grandi i no ta atraktivo pa tenebo komo asegurado. Esaki mester ta pone bon kla si den e pólisa di bo seguro i huntu ku esaki mester tin un periodo di aviso di kanselashon mara na dje. Den mayoria kaso bo seguro lo mèldu bo promé ku yega asina leu. Den kualke kaso, pidi bo seguro tòg pa mes splikashon di e posishon aki.
MI KOMPANIA DI SEGURO POR PARA OF SAKAMI FOR DI SEGURO SI MI TA
HOPI?
ARMA BO MES MAKUTU BASIKO E TEMPORADA AKI
Ku e aparente skarsedat i “inflashon” ku tin di i riba sierto alimentunan básiko i kustumbrá riba nos menú, e búskeda di maneranan pa spar algu èkstra i tòg haña loke bo ke, ta bira poko mas fasil, si nos sa di antemano kiko tur nos tin mester (e lista) i kuantu sèn nos tin pa esaki ( presupuesto).
Konseho pa kumpra sabi:
Promé ku sali kas, revisá e kashi kushina i eiskast i traha bo lista di produktonan ku bo lo bai tin mester
Plania bo menúnan di siman. Esaki lo yudabo ekonomisá ya ku lo bo ta kumprando solamente loke bo ta bai tin mester, i e kantidat nesesario. Kuminda ku mester tira afó, ta meskos ku sèn tira afó..!!
Tene bo mes na altura di ofertanan. Oferta ta oferta, basta ta kos ku bo mester di dje na e momentu ei. Si ta produktonan di konsumo chek fecha di vensementu promé bo kumpra esaki.
Si p.e. yoghurt den paki ta den oferta na 70% di deskuento pasobra e fecha di vensementu ta aki 8 dia, analisá pa bo mes ku si bo kumpr’é, si lo bo ta bai usa esaki nan den e tempu definí ei. Si ta si, dal bai i probechá di e oferta..!!
Remplasá loke no tin òf loke no por. Si bo a kustumbrá kome sierto alimentunan ku último tempunan a bira skars òf ta pasa bo límite finansiero, ta konsehabel pa sea remplasá e produktonan aki pa algu otro òf eliminá nan temporalmente di bo makutu di kompra. E eskoho ta di bo. Skohe sabi..!
No mara bo mes na kustumber. Si semper bo a kustumá kumpra tal marka, talbes awor te ora probechá purba algun otro marka i smak. Lo bo por keda gratamente sorpresá ora bo riba ku e smaknan no ta varia dje tantu ei pero den preis si. Bo tabata sa ku tin fábrikanan grandi ta traha e mesun produkto pero ku diferente marka? mesun juice pero ku diferente etikèt?
Pasaboka pa mucha?
Tene kuenta ku un
gran mayoria ta hopi zut
Mi kompania di seguro a avisámi ku si mi mester cliam un biaha mas, nan lo subi mi premi of asta tin chèns di sakami for di e seguro ya ku den e lastu 5 añanan na numeroso okashon mi a hayami den un aksidente I a claim konforme mi pólisa. Pregunta: Seguro por hasi esaki?
Kontesta: Un kompania di seguro, ora e ta nota ku un konsumidó ta claim hopi, por subi e premi, baha e nivel di kobertura òf te asta kanselá bo seguro. Esaki pasobra e rísiko ku den futuro lo tin dañonan ta muchu grandi i no ta atraktivo pa tenebo komo asegurado. Esaki mester ta pone bon kla si den e pólisa di bo seguro i huntu ku esaki mester tin un periodo di aviso di kanselashon mara na dje. Den mayoria kaso bo seguro lo mèldu bo promé ku yega asina leu. Den kualke kaso, pidi bo seguro tòg pa mes splikashon di e posishon aki.
DEN CHIKI
Agènda?
Skohe unu konforme ku e mucha su edat. Aki ta rekomendabel pa mayor mes skohe unu pa e mucha sigur si ta mucha di skol básiko. No tur agènda ta pa mucha di tur edat. Tep na mayor: de bes en kuando kòrda kontrolá e agènda di e yu. No pa bo sa kiko e ta hasi, pero pa bo ta na altura si e ta traha tur su hùiswèrknan.
Pen, pòtlot, steft, gum, sleiper, leim, linial etc
Ta simplemente artíkulonan indispensabel ku tur mucha mester tin di nan mes.. Ku e problemanan di covid-19 ainda latente, nos no por permití e luho di laga nos muchanan fia kos di otro.. Pues mayor, sòru pa bo yu tin su mes kosnan di skol huntu kuné tur momentu. Tep: invertí den diferente pen, steft, marker pa e mucha tin huntu kuné..Esaki lo hasi su eksperensia den lès mas agradabel i ta probá ku ora un hende ta skibi ku pen di diferente kolo, e ta yuda bo kòrda e kosnan mas mihó.
Importante ta tambe pa skohe artíkulonan eskolar segun e mucha su edat i nesesidat. P.e. un kalkuleitor sientífiko ta di gran utilidat pa un alumno di skol sekundario. E mucha na skol básiko por yuda su mes ku unu mas simpel.
Bo yu i su salú
Meskos ku su artíkulonan eskolar, ta importante pa mayornan sòru pa kada yu tin su mes artíkulonan di usa personal manera su mes beker, tèrmo, lensu, i produktonan sanitario, di moda ku e no mester fia di otro mucha òf usa algu ku tur hende ta usa. Higiene propio den e tempunan aki ta di sumo importansia. Ku korona den bògt, ta bon pa kada mucha tin su mes “korona-ket”. Pues, sòru pa e yu tin den su tas produktonan manera ‘hand sanitizer’ di kual e por uza durante dia na skol. Tambe ta hopi importante pa eduká i rekordá e yu tur dia riba e medidanan di prevenshon di COVID 19.
Di parti Fundashon pa Konsumidó nos ke deseá tur alumno un aña eskolar 2020/2021 fruktífero