Bon biní na e [promé edishon di Konsumidó Alertá di e dékada 2020. Nos por mira bèk riba un aña 2019 den kua nos konsumidónan a pasa den hopi trastu i kambionan ku a pone preshon riba pòtmòni di nos komunidat. Sigur dos suseso ku a resaltá kua pone peso riba, i kòrta den nos saku tabata subida di akseins riba alkohòl i OB na importashon, i tambe e moratorio ku Banko Sentral a pone riba nos sènnan na Giro.
Sigur e subida di akseins a trese un reakshon di kadena den benta i konsumo di alkohòl. I hasta komersiantenan di mala fe ku ta hasi uso di subida di akseins pa spekulá i subi preisnan eksorbitantemente. Bòternan di biña ku na sierto tiendanan a subi di preis ku kasi 100% ta algu insólito. Nos ta komprondé ku a base di e kambionan abo konsumidó no tin un bon impreshon di kua ta e preis nobo despues di tur e subidanan di impuesto. P’esei sigui nos komparashonnan di preis den 2020 pa asina tin un bista di unda bo por kumpra mas barata. I manera nos semper a konsehá, si bo ta haña ku e produkto ta muchu karu, lag’e para.
Sigur un suseso ku a impaktá nos bida finansiero tabata e moratorio di Banko Sentral riba Giro. No solamente pa esnan ku tin kuenta na e banko, pero tambe esnan ku direktamente o indirektamente tin relashon di trabou ku un persona ku tin un kuenta na Giro. Si mi doño di trabou tin kuenta na Giro, e no paga mi, ami no paga mi e señora ku ta limpia kas, e señora no por paga su hür.. Un sírkulo visioso ku a start na dezèmber ku lo nos mira su reperkushonnan lunanan despues. E ròl di Banko Sentral lo keda kuestionabel den esaki mirando ku pa 6 aña no a yega na un solushon pa e banko i a sigui manehá e banko i laga e situashon empeorá. Hasiendo esaki Banko Sentral a bisti 23 pèchi i no tabata transparente, hasta pa trahadónan di Giro en separashon di gerensia di e banko i supervishon di Banko Sentral no tabata kla. Importante ta awor pa restablesé e konfiansa den nos sistema finansiero i buska solushon pa tur e plakanan di nos konsumidónan ku a disparsé for di nan kuentanan.
Editorial
EDITORIAL
Direktor
Ban
Na produkto i servisio ku nos ta bende i kumpra
PONE
STANDART
Marc Marshall
POBERSITU SAKU....