INGREDIENTE
Alternativa saludabel liber di glúten
• Zilvervliesrijst;
• Batata;
• Bonchi;
• Berdura;
• Nechi, amandel;
• Fruta;
• Grano: trigo, maishi i maishi chikí;
• Avena ku logo liber di glúten;
• Pan integral liber di glúten ;
• Pasta liber di glúten;
• Crackers liber di glúten;
• Produkto di lechi manera: lechi, yoghurt, keshi blanku garná i keshi
Hulandes;
• Webu;
• Piska, karni i galiña no prosesá. Pues por ehèmpel e chicken cutlet
prosesá ku speserei i paneermeel por kontené hopi glúten )
Abo i bo amistatnan ta spòrt, hasi ehersisio òf bai gym hopi?. Bo ta puntra bo mes si e dicho "no pain, no gain" ta kuadra? si bo spòrt sin haña doló di spir, ta paso tin progreso òf kresementu di spir?
Tuma nota di lo siguiente: tin dos forma di doló di spir. Doló di spir inisial, ta un sensashon di kimamentu di spirnan na momentu òf nèt despues di e esfuerso físiko. Dor di akumulashon di mèlkzür den e spirnan, puntanan di nèrvio ta keda stimulá, kousando doló.
Doló di spir tardá, ku ta presentá 24 te 48 ora despues di ku bo a spòrt, ta wòrdu okashoná dor di skernan chikí den e fibranan di spir. E spirnan ta hasi doló i ta soportá ménos preshon di ehersisio. E skernan no ta malu, en realidat nan ta sòru pa bo bira mas fuerte. Bo kurpa mes ta bai kura e skernan, kreando un superkompensashon.
Pues, bo kurpa lo rekuperá na un nivel mas
haltu ku esun original i ta prepará su mes pa e próksimo esfuerso físiko pisá dor di krea mas
fibra di múskulo. Doló di spir no ta esensial pa kresementu di spir. Spirnan ta bira mihó dor di ehersisio. Hasi ehersisio ku doló di spir por, tanten ku bo ta trein otro grupo di spir ku esun ku ta hasiendo doló. Esaki pa prevení ku bo ta haña
un leshon di spir. Korda hasi ehersisio na un
manera konsiente i responsabel!
TEP PA BARBEKIÚ KANTU DI KAYA
Riba ruta di Karnaval
Kòrda mantené limpi!
E manera mas fásil pa limpia e pit di barbekiú ta ora e ta poko kayente ainda. Miéntras bo ta warda pa e karbon ta kla pa kuminsá hasa i e roster bira poko kayente, bo ta usa un ‘staalborstel’ pa kita e vèt i e sobra di kuminda. No lubidá di kita e vèt i sobra kuminda asina bo kaba di grill, esei lo fasilitá e uso na un siguiente okashon.
Zeta
Pa evitá ku e karni i/o galiña ta pega riba e roster, bo ta pasa un tiki zeta riba nan. Nunka basha zeta direktamente riba e alimento, riba e grill, esaki por okashoná vlamnan grandi i por okashoná hopi huma.
Evitá vlam grandi
Purba kita mas tantu vèt posibel for di e karni i/o galiña. Si e vèt kai den e kandela esaki por okashoná kandela grandi. Na hopi okashon e karni i/o galiña ta mustra bon kushina parti pafó i paden e lo ta kurú ainda. Ideal ta pa tin semper un spuitbus ku awa na man, pa por si akaso surgi kandela.
Prekoushon alimento
Kòrda riba higiena di alimento ora bo ta kushina den aire liber. Mester pone tayo apart pa karni kurú i pa e karni ku ta kla kushina kaba. Usa un tabla apart pa kòrta berdura. Warda tur kuminda den un djùk ku eis, tambe karni ku mester wòrdu prepará ainda.
Deshasí di bakteria
Pa evitá ku un kuminda por daña lihé i hasi bo malu, kòrda laga e alimento kushina bon, kontrolá esaki dor di prek ku un fòrki den e karni pa wak pa e no ta kurú paden. Òf bo por kumpra un tèrmometer pa kuminda pa kontrolá esaki. Otro forma ta pa prek e karni i/o galiña asina bo ta mas sigur ku e ta kushina mihó paden.