Ken ta protehá
mi informashon?
Informashon
E kompania mester suministrá informashon na un konsumidó si su datonan personal wòrdu prosesá. E suministro di informashon mester enserá identidat di e instansia responsabel i e meta pa kua e datonan ta wòrdu kompilá i prosesá. Aparte di e informashonnan aki, otro datonan tambe por wòrdu suministrá na e konsumidó si ta trata di informashon sensibel. E dunamentu di informashon mester sosodé promé ku e kompania haña e datonan personal di su konsumidó. Banda di esaki e konsumidó tin e derechi di puntra si, i si ta asina kon, su datonan personal di dje a wòrdu prosesá. E kompania mester duna un kontesta amplio por eskrito denter di 4 siman.
Kolegio di prosesamentu di datonan personal
E ordenansa di lei pa protehá datonan personal ta krea un kolegio independiente ku mester supervisá e prosesamentu di dato konforme e ordenansa di lei aki.
Un konsumidó por aserka e kolegio ku un petishon pa laga e instituto aki investigá su keho. Si a base di e investigashon aki resultá ku e kompania a aktua robes e kolegio por stashon’é ku un but.
Nos di Fundashon pa Konsumidó ta spera ku riba un término hopi korto gobièrnu lo instalá e Kolegio aki pa ofisialmente esaki por keda usá pa konsumidó i siudadanonan ku ta sinti ku komersio i otro instansianan ta hasi mal uso di nan informashon personal. Via e linknan aki por yega na e lei di e teksto integral di e lei (P.B. 2010 no. 84), e instalashon di e lei (P.B. 2013, no. 92) i e profil di e miembronan di e Kolegio (P.B. 2017 no. 87).