Editorial
EDITORIAL
Direktor
Ban
Na produkto i servisio ku nos ta bende i kumpra
PONE
STANDART
Marc Marshall
anera ya konosí, gobièrnu a adaptá tarifanan di OB i akseins entrante promé di sèptèmber. Fundashon pa Konsumidó ta konsiente ku subida di di tarifanan di impuesto por kondusí na spekulashon ku preisnan di konsumidó. Komo organisashon independiente ku ta sali ta defensa di derechinan di nos konsumidónan, Fundashon pa Konsumidó tin e tarea pa informá i hasi transparente kon preisnan ta desaroyá a base di e kambionan di impuesto.
Pa ku esaki, i den estrikto kolaborashon ku Ministerio di Desaroyo Ekonómiko, Fundashon pa Konsumidó ta bai hasi mas komparashon di preis i publiká esakinan den korantnan lokal. Esaki banda di nos komparashonnan di preis regular ku ya pa añanan kaba nos fundashon ta publiká. Meta prinsipal ta pa abo konsumidó ta na altura di kambionan di preis i tambe pa evitá ku e subida nan menshoná lo por krea un situashon ku komersiantenan por hisa nan preis eksaheradamente. E komparashonnan di preis lo ta mas dirigí riba komestibel den supermerkado i minimarketnan i tambe riba produktonan di promé nesesidat i di nos asina yamá Makutu Básiko.
Banda di esaki tambe Fundashon pa Konsumidó, mirando e tempu ekonómiko difísil ku nos pais ta pasando aden, a kuminsá tambe ku un siklo di kurso di presupuesto den Sentronan di Bario. Intenshon ta pa abo konsumidó haña tepnan balioso pa bida un bida finansiero mas salú, siña biba mas konsiente ku bo entrada i gastunan, i tambe siña pone prioridat den e manera ku bo ta saka sèn. Lo bo siña kon pa traha un presupuesto, tene bo mes na esaki i hasi bo presupuesto parti integral di bo bida. Te ku fin di aña nos lo ta den sentronan di bario Brievengat, Montaña, Ser’i Papaya i Wishi/Marchena kaminda nos treiner profeshonal lo duna e kurso pa esnan interesá. E kurso lo ta grátis pa nos konsumidónan. Inskribí na tempu!
Saludo kordial,
M