INGREDIENTE
Alternativa saludabel liber di glúten
• Zilvervliesrijst;
• Batata;
• Bonchi;
• Berdura;
• Nechi, amandel;
• Fruta;
• Grano: trigo, maishi i maishi chikí;
• Avena ku logo liber di glúten;
• Pan integral liber di glúten ;
• Pasta liber di glúten;
• Crackers liber di glúten;
• Produkto di lechi manera: lechi, yoghurt, keshi blanku garná i keshi
Hulandes;
• Webu;
• Piska, karni i galiña no prosesá. Pues por ehèmpel e chicken cutlet
prosesá ku speserei i paneermeel por kontené hopi glúten )
Abo i bo amistatnan ta spòrt, hasi ehersisio òf bai gym hopi?. Bo ta puntra bo mes si e dicho "no pain, no gain" ta kuadra? si bo spòrt sin haña doló di spir, ta paso tin progreso òf kresementu di spir?
Tuma nota di lo siguiente: tin dos forma di doló di spir. Doló di spir inisial, ta un sensashon di kimamentu di spirnan na momentu òf nèt despues di e esfuerso físiko. Dor di akumulashon di mèlkzür den e spirnan, puntanan di nèrvio ta keda stimulá, kousando doló.
Doló di spir tardá, ku ta presentá 24 te 48 ora despues di ku bo a spòrt, ta wòrdu okashoná dor di skernan chikí den e fibranan di spir. E spirnan ta hasi doló i ta soportá ménos preshon di ehersisio. E skernan no ta malu, en realidat nan ta sòru pa bo bira mas fuerte. Bo kurpa mes ta bai kura e skernan, kreando un superkompensashon.
Pues, bo kurpa lo rekuperá na un nivel mas
haltu ku esun original i ta prepará su mes pa e próksimo esfuerso físiko pisá dor di krea mas
fibra di múskulo. Doló di spir no ta esensial pa kresementu di spir. Spirnan ta bira mihó dor di ehersisio. Hasi ehersisio ku doló di spir por, tanten ku bo ta trein otro grupo di spir ku esun ku ta hasiendo doló. Esaki pa prevení ku bo ta haña
un leshon di spir. Korda hasi ehersisio na un
manera konsiente i responsabel!
Promé bo yena bo garoshi..
• Paga tinu riba preis. Wak ku si ta e mesun preis ku
tin menshoná den rèki bo ta pagando.
• No laga bunitesa di propaganda influenshá bo
manera di kumpra. Sea alerta pa e loke ta skondí
tras di kada propaganda.
• Kumpramentu den tiendanan chikitu, tiki tiki ta
sali karu.
• Semper eksigí bo kuenta di pago. Un negoshi ta
obligá di duna bo e bòn.
• Kontrolá bo bòn ora bo kaba di paga. Hasié den e
establesimentu mes. Chèk si tur kos den bo
garoshi ta kuadra ku loke tin kontá.
• Fomentá kooperativismo. Hasi kompra konhunto
sea ku famia òf un grupo di amigu/konosínan. Hasi
esaki solamente pa produktonan ku bo por
kumpra i warda i ku no ta daña un bes. Chek
promé si, si e ta kumbiní bu.
• Wak kon bo ta gasta e plaka ku bo tin. No kumpra
un artíkulo djis pasobra bo bisiña tin e, anto tòg lo
e no ta efisiente p’abo. Kòrda ku bo pòtmòni ta bo
responsabilidat.