IMPOSIBEL
Den e temporada aki hopi ta nos studiantenan ku a kaba nan skol sekundario i a tuma e desishon pa sigui ku nan estudio den eksterior, sea ta na Hulanda, Merka òf den region. Hopi ya pa lunanan tras di lomba a kuminsá ku e proseso pa hasi un eskoho balansá di kua estudio na ke sigui hasi i na kua pais i siudat nan ke hasi esaki. Pa na momentu ku nan subi avion bai for di Kòrsou e studiantenan i tin lo máksimo di garantia ku e ta bon prepará pa terminá nan estudio ku éksito.
Den pasado, por ehèmpel, Fundashon pa Konsumidó a yega di haña diferente keho di studiantenan ku a djis bai un dia habrí, yena un formulario keriendo ku nan ta bai haña mas informashon i terminando marando nan mes na un inskripshon ku ta mara nan outomátikamente na debenan di estudio ku nan no tabata konsiente di e gastunan konserní.
Pa yuda e studiante lokal, den e edishon aki di Imposibel, Fundashon pa Konsumidó ke duna algun tep na nos hóbennan ku a disidí di keda Kòrsou i studia lokal, i ainda ta en buska di e estudio ideal pa nan sigui nan karera eskolar. Lógiko ku lo mas importante ta kiko ta e studiante su interes, ambishon i kapasidat. Pero kada un di e puntonan tratá ta di sumo importansia pa despues di bo eskoho bo no keda ku un sensashon amargo, di a invertí den bo mes i bo estudio pa despues esaki no a sali bo benefisioso.
HASI BO
HUISWERK
KIKO BO MESTER SA PROME BO SKOHE UN ESTUDIO NA KORSOU
OF DEN REGION?